Live Updates

دیکھتے ہیں اب پی ٹی آئی بڑے علی بابا اور 40 چوروں کیساتھ کیا کرے گی، فیصل کریم کنڈی

منگل 20 مئی 2025 21:40

پشاور (اُردو پوائنٹ اخبارتازہ ترین - این این آئی۔ 20 مئی2025ء)گورنر خیبر پختونخوا فیصل کریم کنڈی نے کہا ہے کہ اب دیکھتے ہیں کہ پی ٹی آئی بڑے علی بابا اور 40 چوروں کے ساتھ کیا کرے گی۔فیصل کریم کنڈی نے میڈیا سے گفتگو کرتے ہوئے کہا کہ ماضی میں یہاں تک کہا تھا کہ مولانا صاحب کے پیچھے نماز نہیں ہوتی اب مولانا کے پائوں میں پڑے ہیں۔انہوں نے کہا کہ میرا مطالبہ ہے کہ صوبے کے تمام اداروں کا آڈٹ ہونا چاہیے، کوہستان پر بانی پی ٹی آئی نے کیا کیا ہے اب تک یہ پاکستان کی تاریخ میں سب سے بڑا کرپشن اسکینڈل ہے، اگر ایکشن نہ لیا گیا تو اندازہ لگائیں کس قسم کی کرپشن ہو رہی ہی کیا پی ٹی آئی کے رہنمائوں کو پتہ نہیں کہ کن کن سیکٹرز میں کرپشن ہو رہی ہی فیصل کریم کنڈی نے کہا کہ کرپشن کے علاوہ کے پی حکومت نے اب تک کیا کیا ہے، یہاں پر اب تک انکوائری ہو رہی ہے اگر پی پی کی حکومت ہوتی تو پہلے جیل بھیجتے اور پھر بات کرتے۔

(جاری ہے)

اٴْنہوں نے کہا کہ افغانستان کی سر زمین پاکستان کے خلاف استعمال ہو رہی ہے۔گورنر خیبر پختونخوا نے کہا کہ 26 تاریخ کو پی پی صوبہ بچائو تحریک کے لیے نکل رہی ہے، لوڈ شیڈنگ، امن و امان اور دیگر مسائل کے خلاف احتجاج کریں گے۔اٴْنہوں نے کہا کہ گزشتہ روز وزیراعلیٰ کے صوبے میں سرکاری افسر کو اغوا کیا گیا، کسی ایک شہید کا گھر بتائیں جہاں وزیراعلیٰ کے پی اور وزراء گئے ہوں۔

فیصل کریم کنڈی نے کہا کہ صوبائی حکومت کرم کا 25 کلومیٹر کا روڈ نہیں کھول سکتی، صوبے میں ضم اضلاع دہشت گردی کا شکار ہیں، ریاست نے ضم اضلاع سے جو وعدے کیے تھے، پورے نہیں ہوئے۔اٴْنہوں نے کہا کہ ہم چاہتے ہیں جو پیسے وفاق سے آئیں وہ ایک منظم طریقے سے ضم اضلاع پہنچیں، یہاں تو ایک ضلع میں اربوں کی کرپشن ہو رہی ہے، باقی اضلاع میں کیا ہوگا۔گورنر خیبر پختونخوا نے کہا کہ وزراء کے گھر میں اساتذہ کے امتحان ہو رہے ہوں تو صوبہ تو تباہ ہوگا۔