لاہورملتان سمیت ملک کے مختلف شہروں سے پانچ عید سپیشل ٹرینیں چلانے کا فیصلہ

پیر 26 مئی 2025 20:16

فیصل آباد (اُردو پوائنٹ اخبارتازہ ترین - آن لائن۔ 26 مئی2025ء)وزیر اعظم پاکستان کی ہدایت پر وفاقی وزیر ریلوے محمد حنیف عباسی نے عید الاضحی کے موقع پر اضافی رش کے پیش نظر فیصل آبا د,لاہور,ملتان سمیت ملک کے مختلف شہروں سے پانچ عید سپیشل ٹرینیں چلانے کا فیصلہ کیا ہے۔تفصیلات کے مطابق پہلی اسپیشل ٹرین2جون 2025 کو کراچی کینٹ ریلوے اسٹیشن سے دوپہر 1بجے روانہ ہو کر براستہ مین لائن ملتان،ساہیوال سے ہوتی ہوئی اگلے روز صبح 10بجے لاہور پہنچے گی۔

جبکہ دوسری ٹرین 3جون کو کوئٹہ سے پشاور کے لئے دن 10بجے روانہ ہو کر براستہ مین لائن ملتان،ساہیوال سے ہوتی ہوئی اگلے روز رات 10بجکر 30منٹ پر پشاور کینٹ پہنچے گی اسی طرح تیسری ا سپیشل ٹرین 3جون کو لاہور سے کراچی کے لئے شام 5بجے روانہ ہو کر براستہ مین لائن سے ہوتی ہوئی اگلے روز دوپہر 2بجے کراچی کینٹ اسٹیشن پہنچے گی۔

(جاری ہے)

جبکہ چوتھی ا سپیشل ٹرین3جون کو کراچی کینٹ سے راولپنڈی کے لئے رات 7بجکر 30منٹ پر روانہ ہو کر براستہ شور کوٹ،فیصل آباد اور لالہ موسیٰ سے ہوتی ہوئی تیسرے روز رات 1بجکر 15منٹ پر راولپنڈی پہنچے گی۔

اسی طرح آخری اور پانچویں عید ا سپیشل ٹرین4جون کو کراچی کینٹ سے لاہور کے لئے رات7بجکر 30منٹ پر روانہ ہوکر براستہ مین لائن ملتان، فیصل آباد سے ہوتی ہوئی اگلے روز شام 5بجکر 30منٹ پر لاہور پہنچے گی۔