Live Updates

مودی ایک دہشتگرد ہے، حکومت کو چاہیئے کہ سفارتی سطح پراس کا سیاہ چہرہ دنیا کو دکھائے

دنیا کو بتایا جائے کہ انڈیا پاکستان کیخلاف آبی دہشتگردی کررہا ہے، کوئی طاقت بھی کسی ملک کے خلاف آبی جارحیت نہیں کرسکتی۔ پارلیمانی رہنماء پی ٹی آئی زرتاج گل وزیر

ثنااللہ ناگرہ پیر 26 مئی 2025 21:58

مودی ایک دہشتگرد ہے، حکومت کو چاہیئے کہ سفارتی سطح پراس کا سیاہ چہرہ ..

اسلام آباد ( اردوپوائنٹ اخبار تازہ ترین۔ آئی پی اے ۔ 26 مئی 2025ء ) پی ٹی آئی کی پارلیمانی رہنماء زرتاج گل وزیرنے کہا ہے کہ مودی ایک دہشتگرد ہے، سفارتی سطح پراس کا سیاہ چہرہ دنیا کو دکھایا جائے، دنیا کو بتایا جائے کہ انڈیا پاکستان کیخلاف آبی دہشتگردی کررہا ہے، کوئی طاقت بھی کسی ملک کے خلاف آبی جارحیت نہیں کرسکتی۔ انہوں نے جیونیوز کے پروگرام میں گفتگو کرتے ہوئے کہا کہ پاکستان اور انڈیا دونوں ایٹمی طاقت ہیں، مولاجٹ یا گبرسنگھ کے کرداروں سے جنگ نہیں لڑی جاتی۔

بھارت نے پہلگام واقعے کے بعدجب پاکستان پر بزدلانہ حملہ کیا، تو الحمداللہ پوری قوم نے یکجہتی دکھائی، میری جماعت سمیت تمام سیاسی جماعتیں متحد تھیں، ہم پر تین سال ظلم ہوا پھر بھی ہمارے سوشل میڈیا نے بیانیہ کی جنگ لڑی، ہماری فضائیہ اور آرمڈ فورسز نے بھارت کو منہ توڑ جواب دیا وہ دنیا کے سامنے کھلم کھلی حقیقت ہے۔

(جاری ہے)

سب سے پہلے سفارتی تعلقات ترجیح ہونی چاہیئے، مودی کا چہرہ ہندوتوا کی سوچ ہے، اس کو عمران خان نے پلوامہ واقعے کے بعد دنیا کو دیکھایا تھا، مودی ایک دہشتگرد ہے، سفارتی سطح پراس کا سیاہ چہرہ دنیا کو دکھایا جائے۔

اسی طرح دنیا کو بتایا جائے کہ پاکستان کیخلاف آبی دہشتگردی ہورہی ہے، کوئی طاقت بھی کسی ملک کے خلاف آبی جارحیت نہیں کرسکتی، بھارت سندھ طاس معاہدے پر آبی جارحیت کررہا ہے،اسی طرح کشمیر کو ہم کبھی بھی نہیں بھول سکتے، کشمیر ہمیشہ کی طرح ترجیح ہونی چاہیئے۔ اس موقع پر پی ایم ایل این کے طارق فضل چوہدری نے کہا کہ مودی نے شعلے فلم تودیکھی ہوگی لیکن میرا خیال کہ مولاجٹ فلم نہیں دیکھی، مودی نے اگر یہ فلم دیکھی ہوتی تو اس کو پتا ہوتا کہ پاکستان کے ایئرچیف ظہیر احمد بابر سدھوبھی ایک جٹ ہیں،اس یہ فلم دیکھی ہوتی تو وہ کبھی اس طرح کی ہرزہ سرائی نہ کرتا، ایک اور فلم ہے جٹ دا کھڑاک ، جو کہ مودی دیکھ چکا ہے، اب پھر کھڑاک دکھائیں گے اور پہلے سے بھی زیادہ ہوگا۔

مودی کے یہ بیانات شرمندگی چھپانے کیلئے ہیں، یہ گیدڑ بھبھکیاں ہیں۔