Live Updates

ق* وزیراعظم کا دورہ سعودی عرب، ولی عہد محمد سلمان کے ظہرانے میں شرکت،اہم ملاقات

/ باہمی دلچسپی امور اور دو طرفہ تعلقات پر بات چیت کی گئی، دونوں رہنماوں نے ایک دوسرے کو عید کی مبارک باد بھی دی ۱ظہرانے میں مشرق وسطی کے اہم رہنماؤں سمیت سعودی کابینہ کے ارکان اور اعلی سعودی سول و عسکری قیادت کی شرکت

جمعہ 6 جون 2025 19:55

y جدہ(اُردو پوائنٹ اخبارتازہ ترین - آن لائن۔ 06 جون2025ء) وزیراعظمشہبازشریف نے دو روزہ دورہ سعودی عرب کے دوران ولی عہد محمد بن سلمان کے ساتھ نہایت اہم ملاقات کی جس دوران باہمی دلچسپی امور اور دو طرفہ تعلقات پر بات چیت کی گئی جبکہ اس موقع پر دونوں رہنماوں نے ایک دوسرے کو عید کی مبارک باد بھی دی۔تفصیلات کے مطابق وزیرِ اعظم شہبازشریف نے شاہی دیوان میں ولی عہد و وزیرِ اعظم سعودی عرب شہزادہ محمد بن سلمان بن عبدالعزیز آل سعود کی جانب سے دئیے گئے خصوصی ظہرانے میں بطور مہمانِ خاص شرکت کی۔

ولی عہد نے وزیرِ اعظم کا خصوصی استقبال کیا اور خود گاڑی چلا کر وزیرِ اعظم کو ظہرانے میں شرکت کیلئے لے کر گئے۔ ظہرانے میں سعودی ولی عہد نے وزیرِ اعظم محمد شہباز شریف کا بھرپور استقبال کیا اور دونوں رہنماؤں کے مابین غیر رسمی گفتگو ہوئی۔

(جاری ہے)

ظہرانے میں مشرق وسطی کے اہم رہنماؤں سمیت سعودی کابینہ کے ارکان اور اعلی سعودی سول و عسکری قیادت شریک تھے۔

وزیراعظم شہبازشریف اور محمد بن سلمان کے درمیان ہونے والی ملاقات میں خطے کی سیکیورٹی صورتحال پر بھی تبادلہ خیال کیاگیا، پاک بھارت کشیدگی میں کمی کیلیے کردار ادا کرنے پر وزیراعظم نے سعودی قیادت کا شکریہ ادا کیا۔فیلڈ مارشل سید عاصم منیر بھی ملاقات میں موجود تھے جبکہ ان کے علاوہ نائب وزیراعظم اسحاق ڈار،وزیرداخلہ محسن اور وزیراطلاعات عطاتارڑ بھی شریک ہوئے۔وزیرِ اعظم کا سعودی ولی عہد کی جانب سے شاندار استقبال اور ظہرانے میں بطور مہمان خاص شرکت، پاکستان و سعودی عرب کے دیرنہ برادرانہ تعلقات اور وزیرِ اعظم کی قیادت میں پاکستان کی سفارتی کامیابیوں کا مظہر ہے۔