بزنس کمیونٹی معاشی بہتری کا سفر شروع کرے ریاست مکمل تعاون کرے گی، چیئرمین نیب

آئی ایم ایف سے قرضے لے کر کب تک ملک چلائیں گے؟، بز نس کمیونٹی کے مسائل حل کرنے کی پوری کوشش کریں گے، آپ کے ساتھ مل کر بزنس فرینڈلی ریگولیٹری میکانزم بنائیں گے، لیفٹیننٹ جنرل(ر)نذیر احمد کا تقریب سے خطاب

فیصل علوی منگل 17 جون 2025 12:41

بزنس کمیونٹی معاشی بہتری کا سفر شروع کرے ریاست مکمل تعاون کرے گی، چیئرمین ..

لاہور(اردوپوائنٹ اخبار تازہ ترین۔17جون 2025)چیئرمین نیب لیفٹیننٹ جنرل (ر) نذیر احمد نے کہا ہے کہ بزنس کمیونٹی معاشی بہتری کا سفر شروع کرے ریاست مکمل تعاون کرے گی،آئی ایم ایف سے قرضے لے کر کب تک ملک چلائیں گے؟، بز نس کمیونٹی کے مسائل حل کرنے کی پوری کوشش کریں گے،لاہور میں منعقدہ تقریب سے خطاب کرتے ہوئے چیئرمین نیب کا کہنا ہے کہ بزنس کمیونٹی پاکستان کو ٹریلین ڈالر اکانومی بنانے کے مشن پر کام کرے۔

گزشتہ کچھ عرصہ میں پاکستان نے بہت کامیابیاں حاصل کی ہیں۔انہوں نے کہا کہ بزنس کمیونٹی ملکی معیشت میں ریڑھ کی ہڈی کی حیثیت رکھتی ہے۔ آپ کے ساتھ مل کر بزنس فرینڈلی ریگولیٹری میکانزم بنائیں گے۔ جس ملک میں بزنس مین ہراسگی کا شکار ہو وہاں کاروبار پھیل نہیں سکتا۔

(جاری ہے)

یاد رہے کہ اس سے قبل بھی چیئرمین نیب لیفٹیننٹ جنرل ریٹائرڈ نذیر احمد نے کہا کہ نیب نے 2 سال میں 5400 ارب کی ڈائریکٹ اور ان ڈائریکٹ ریکوری کی تھی۔

چیئرمین نیب لیفٹیننٹ جنرل ریٹائرڈ نذیر احمد نے لاہور چیمبر آف کامرس اینڈ انڈسٹری کے دورہ کے موقع پر تاجر برادری سے گفتگو کرتے ہوئے کہاتھاکہ سٹیٹ لائف کوآپریٹو سوسائٹی لاہور میں 77 ارب کی تاریخی سیٹلمنٹ کرائی گئی تھی۔ دو سال میں نیب میں متعدد ریفارمز کیں جن کے مثبت اثرات مرتب ہوئے تھے۔چیئرمین نیب نذیر احمد کامزید کہنا تھا کہ نیب کے حالیہ اقدامات سے بزنس کمیونٹی کے دل سے نیب کا خوف ختم ہوا تھا۔

بزنس کمیونٹی کی سہولت کیلئے جو ممکن ہوا وہ ضرور کریں گے۔چیئرمین نیب کا مزید کہنا تھا کہ نیب ویژن کے مطابق بیوروکریسی کے خدشات کو دور کیا گیاتھا۔قبل ازیں بھی چیئرمین نیب لیفٹیننٹ جنرل (ر) نذیر احمد بٹ کاکہنا تھا کہ کراچی میں زمینوں کا مسئلہ بہت بڑا ہے، جلد ایکشن لیا جائے گا۔چیئرمین نیب لیفٹیننٹ جنرل (ر) نذیر احمد بٹ نے تقریب سے خطاب کرتے ہوئے کہا کہ سندھ کی زمینوں میں بہت بڑا دھوکہ چل رہا تھا کراچی کی 7500 ایکڑ زمین کی فائلیں کھول دیں تو دنگل مچ جائے گا، کشمیر کی زمین سے زیادہ کراچی میں زمینوں کا مسئلہ تھا۔

لیفٹیننٹ جنرل (ر) نذیر احمد بٹ نے کہاتھا کہ سندھ میں زمینوں کے ریکارڈ کا کوئی سسٹم نہیں، بلڈرز کے بے شمار مسائل ہیں تمام نکات نوٹ کرلئے تھے۔ نیب کا ادارہ بلڈرز کے ساتھ کھڑا ہے، بلڈرز کے ڈی اے، ایم ڈی اے اور ایل ڈی اے کی کرپشن کے ثبوت دیں سو موٹو لے کر ایکشن لوں گا۔