قرآن کو امام بنا کر ہم دنیاکی قیادت کر سکتے ہیں ،امرائے اضلاع فہم القرآن کلاسز کا انعقاد کیا کریں ،مولانا ہدایت الرحمان بلوچ

کوئٹہ (اُردو پوائنٹ اخبارتازہ ترین - این این آئی۔ 20 جون2025ء) جماعت اسلامی بلوچستان کے امیرایم پی اے مولانامولانا ہدایت الرحمان بلوچ نے کہاکہ قرآن کو امام بنا کر ہم دنیاکی قیادت کر سکتے ہیں امرائے اضلاع فہم القرآن کلاسز کا انعقاد کیا کریں قرآنی تعلیمات سے دوری کی وجہ سے ہم مسائل کا شکار ہیں بلوچستان میں ظلم وجبر لاقانونیت بدعنوانی بے روزگاری ختم کرنے کی ضرورت ہے اسلام آباد کی طرف مارچ سے حالات تبدیل ہوسکتے ہیں ۔

جماعت اسلامی کی تعلیمی سیاسی سماجی دینی خدمات روزروشن کی طرح عیاں ہیں ہم صرف اعلانات دعوے اورتقاریر نہیں کرتے بلکہ عمل کرنے والے لوگ ہیں ۔جماعت اسلامی دیگر پارٹیوں کی طرح کسی کی خاندانی موروثی پراپرٹی نہیں بلکہ اسلامی نظام کے قیام ،عوام کو حقوق کی فراہمی اور ظلم وجبر کے خلاف جدوجہد کا نام ہے ۔

(جاری ہے)

ان خیالات کا اظہار انہوں نے جماعت اسلامی کے صوبائی سیکرٹریٹ میں اضلاع سے آئے ہوئے مدرسین کی تربیتی ورکشاپ سے خطاب کرتے ہوئے کیا ورکشاپ سے مولانا عبدالکبیر شاکر ، مولانا عبدالناصر،ظہوراحمد کاکڑ،پروفیسر مولانا عبدالخالق مندوخیل ،مولانا عبدالحمیدمنصوری ،ڈاکٹرحفظ الرحمان مندوخیل ،،مولانا نعمت اللہ ،مولانا قاری احمدجان نے خطاب کیا ۔

مدرسین کے ورکشاپ میں صوبہ بھر سے علمائے کرام آئمہ کرام نے شرکت کی انہوں نے کہاکہ جماعت اسلامی یا شعبہ فہم دین کے پلیٹ فارم سے تمام اضلاع میں فہم القرآن کلاسز کا شروع کرنے کی کوشش کریں گے ۔جماعت اسلامی کا ملک بھر میں قرآن کلاسز فہم القرآن درس قرآن کی سرگرمیاں جاری رہتی ہیں بلوچستان میں ژوب میں مثالی فہم القرآن کلاس کا انعقاد کیا گیا جس میں ہزاروں مردوخواتین نے شرکت کی انشاء اللہ کوشش ہوگی کہ دیگر اضلاع میں بھی اس طرح مثالی کلاسز شروع کیے جائیں ۔

قومی اجتماعی مسائل کے حل اوران مسائل کو اجاگر کرنے کیلئے الحمداللہ جماعت اسلامی کی اسمبلی کے اندر وباہر بھر پور تواناآوازگونج رہی ہے ۔بلوچستان میں جبری گمشدگی ،لوگوں کو غائب کرنا ،مسخ شدہ لاشیں پھینکنے سے سخت نفرت ودہشت پھیل گئی ہے اگر کوئی جرم میں مبتلا ہیں تو عدالتیں کس لیے ہیں عدالتوں کو بائی پاس کرکے زبردستی بزورطاقت کاروائی کرنا خلاف قانون ہیں جس کے خلاف ہم بولتے رہیں گے ۔

عوامی مسائل کے حل ،ظلم وجبر کے خاتمے ،معاشی آئینی حقوق کے حصول ،بارڈر بندش ،لاپتہ افراد ،لاقانونیت ،بدامنی اوربدعنوانی کے خلاف ہماری سرگرمیاں جاری رہے گی اسلام آبادکی طرف لانگ مارچ کوئٹہ میں ایک لاکھ افراد کادھرنا ہمارے منصوبے کا حصہ ہے ۔ علمائے کرام مدارس کے طلباء سمیت نوجوان اورخواتین جماعت اسلامی کی آئینی قانونی عوامی جدوجہد میں ساتھ دیں تاکہ عدل وانصاف کا نظام قائم ہر طبقہ کو امن حقوق مل سکیں مولانا ہدایت الرحمان بلوچ نے کہاکہ ایران پر اسرائیلی امریکی جنگ میں امت مسلمہ بلخصوص مسلم حکمرانوں اورافواج کے سربراہان کو ایک ہوکر ایران کا ساتھ دینا چاہیے اگر اسرائیل وامریکہ ایرا ن کوناکام وتباہ کرنے میں کامیاب ہواتو اگلا نشانہ پاکستان ہے ۔

اس لیے ایران کی کھل کی حمایت پاکستان کی بقاء وبچائو کا واحد راستہ ہے ۔نوجوانوں قبائلی عمائدین علمائے کرام سب کو ساتھ ملاکر اسلام آباد کی طرف مارچ کرکے بلوچستان کے حقوق کے حصول کو ممکن بنائیں گے امرائے اضلاع وذمہ داران اسلام آباد مارچ کی تیاری شروع کر دیں بلوچستان کو ساحل ووسائل کی فراہمی ،لاپتہ افرادکی بازیابی ،بارڈربندش ،طاقت کے استعمال کے خاتمے اور امن وعدل کیلئے جدوجہدکو تیز وجمہوری مذاہمت کومنظم بنائیں گے ۔

اسلام آباد مارچ حکمرانوں کو خواف غفلت سے بیدار کریں گے کوئٹہ میں ایک لاکھ افراد دھرنا بھی پیش نظر ہے کوئٹہ بلوچستان میں بدامنی کی مذمت کرتے ہیں بے گناہوں کے قتل کی حمایت کوئی باشعورفرد نہیں کر سکتا مسخ شدہ لاشیں جبری گمشدگیوں اور کاروبار تجارت بندش کی وجہ سے حالات خراب غربت بے روزگاری اور پریشانی میں اضافہ ہوا ہے ۔