Live Updates

آزاد کشمیر ہماری اولین ترجیحات میں شامل ہے ، وزیراعظم

حکومت پاکستان آزاد کشمیر کی تعمیر و ترقی اور مسئلہ کشمیر کے پرامن حل کیلئے ہر ممکن کردار ادا کرے گی، شاہ غلام قادر سے ملاقات میں گفتگو

جمعہ 27 جون 2025 22:46

اسلام آباد(اُردو پوائنٹ اخبارتازہ ترین - آن لائن۔ 27 جون2025ء)وزیراعظم شہباز شریف سے صدر پاکستان مسلم لیگ ن آزاد جموں و کشمیر شاہ غلام قادر کی ملاقات، شاہ غلام قادر نے وزیراعظم پاکستان کو آزاد کشمیر کی تازہ ترین سیاسی صورتحال اور جماعتی معاملات سے آگاہ کیا۔

(جاری ہے)

وزیراعظم شہباز شریف نے آزادکشمیر میں مسلم لیگ ن کی کارکردگی پر اطمینان کا اظہار کیا اور کہا کہ آزاد کشمیر ہماری اولین ترجیحات میں شامل ہے حکومت پاکستان آزاد کشمیر کی تعمیر و ترقی اور مسئلہ کشمیر کے پرامن حل کیلیے ہر ممکن کردار ادا کرے گی۔

وزیراعظم نے پاک بھارت جنگ میں آزاد کشمیر کے عوام کی جانب سے پاک افواج کے شانہ بشانہ کھڑے ہونے پر آزاد کشمیر کے عوام کا شکریہ ادا کیا۔ ملاقات میں وزیراعظم کے مشیر برائے سیاسی امور رانا ثنا اللہ، وزیر امور کشمیر انجینیر امیر مقام بھی موجود تھے۔