پاکستان کو اللہ تعالی نے 77 سال بعد عزت و وقار سے نوازا، یہ ملک کلمہ طیبہ کے نام پر حاصل کیا گیا، جس میں جذبہ شہادت اور جہاد شامل ہے،گورنرسندھ

کراچی(اُردو پوائنٹ اخبارتازہ ترین - این این آئی۔ 29 جون2025ء)گورنر سندھ کامران خان ٹیسوری نے کہا ہے کہ پاکستان کو اللہ تعالی نے 77 سال بعد عزت و وقار سے نوازا، یہ ملک کلمہ طیبہ کے نام پر حاصل کیا گیا، جس میں جذبہ شہادت اور جہاد شامل ہے۔ انہوں نے کہا کہ یہی جذبہ ہماری مسلح افواج میں بھی موجود ہے، دشمن بھارت اپنے زخم چاٹ رہا ہے اور عاشورہ کے موقع پر بدلہ لینے کی کوشش کر سکتا ہے، لیکن ہم ہر سطح پر چوکنا اور تیار ہیں۔

ان خیالات کااظہار انہوں نے اتوار کو گورنر ہاس سندھ میں میڈیا بریفنگ کے دوران کیا،انہوں نے گورنر ہاس میں علما کرام کے ہمراہ پریس کانفرنس کرتے ہوئے کہا کہ کربلا کا واقعہ ہر مسلمان کو جذباتی کر دیتا ہے، محرم کا احترام فرض ہے، کیونکہ یہی مہینہ ہمیں اتحاد، صبر اور قربانی کا سبق دیتا ہے۔

(جاری ہے)

کامران ٹیسوری نے کہا کہ بچپن سے دیکھتے آئے ہیں کہ اہلِ سنت حضرات اہلِ تشیع کے جلوسوں میں سبیلیں لگاتے تھے، میں نے خود بھی سبیلیں لگائیں۔

آج اس ٹیبل پر بیٹھا ہر فرد اللہ اور رسول ﷺ اور قرآن پر ایمان رکھتا ہے، اور ان تین باتوں پر ہمارا کوئی اختلاف نہیں، باقی سب چیزیں معمولی ہیں، جنہیں ہوا دے کر اسلام دشمن عناصر فائدہ اٹھاتے ہیں۔گورنر سندھ نے بتایا کہ عاشورہ کے موقع پر گورنر ہاس میں خصوصی کنٹرول روم قائم کیا جا رہا ہے جس کا نمبر 1366 ہوگا۔ یہ کنٹرول روم قانون نافذ کرنے والے اداروں سے منسلک رہے گا، اور عوام بھی اپنی شکایات براہ راست درج کراسکیں گے۔

اس سیل کی نگرانی براہ راست آئی جیز اور ڈی آئی جیز سے رابطے کے ذریعے کی جائے گی۔انہوں نے کہا کہ پاکستان میں 62 فیصد آبادی نوجوانوں پر مشتمل ہے، یہی نوجوان ملک کا اصل سرمایہ ہیں۔یہ ملک ایسے ہی ایٹمی قوت نہیں بنا، یہاں کے نوجوان بے وجہ باصلاحیت نہیں، یہ سب اللہ کا کرم ہے۔انہوں نے ایران کی جرات کو سراہتے ہوئے کہا کہ انہوں نے ہمیشہ اسلام کے دفاع کی جنگ لڑی، اور آج فلسطینیوں پر ہونے والے مظالم کے خلاف آواز بلند کرنا بھی جہاد ہے۔

اگر کچھ نہیں کر سکتے تو کم از کم آواز ضرور بلند کریں، کیونکہ آج کے دور میں سچ بولنا بھی ایک ہمت ہے۔آخر میں گورنر سندھ نے کہا کہ گورنر ہاس سب کے لیے کھلا ہے، اور ہم سب اسلام کی خدمت کے لیے موجود ہیں۔ جب بھی جہاد کی بات ہوگی، میں پہلا فرد ہوں گا جو اپنا نام درج کراں گا۔اس موقع پر علامہ طاہر شرفی سمیت دیگر علما کرام بھی موجود تھے۔