ترجمان محکمہ خارجہ کا سندھ طاس معاہدے کی معطلی کے سوال کا جواب دینے سے گریز

میرے پاس اس مخصوص موضوع پر کہنے کیلئے کچھ نہیں، اس سوال پر آپ کو تفصیلی جواب دیں گے، اسرائیل اور شام کے درمیان کشیدگی ختم کرنے کیلئے کردار ادا کررہے ہیں. ٹیمی بروس کی میڈیا بریفنگ

میاں محمد ندیم جمعرات 17 جولائی 2025 16:01

ترجمان محکمہ خارجہ کا سندھ طاس معاہدے کی معطلی کے سوال کا جواب دینے ..

واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔17 جولائی ۔2025 )امریکی محکمہ خارجہ کی ترجمان ٹیمی بروس نے بھارت کی جانب سے سندھ طاس معاہدے کی معطلی کے سوال کا جواب دینے سے گریز کیا ہے غیرملکی نشریاتی ادارے کے مطابق ترجمان امریکی محکمہ خارجہ ٹیمی بروس نے میڈیابریفنگ کے دوران اس حوالے سوال کے جواب میں کہا میرے پاس اس مخصوص موضوع پر کہنے کیلئے کچھ نہیں، اس سوال پر آپ کو تفصیلی جواب دیں گے، اسرائیل اور شام کے درمیان کشیدگی ختم کرنے کیلئے کردار ادا کررہے ہیں. ٹیمی بروس کا کہنا تھاکہ غزہ کے معاملے پر مذاکرات جاری ہیں، جنگ بندی کی شرائط پر عملدرآمد کیلئے لائحہ عمل طے کیا جا رہا ہے، غزہ میں حالیہ ہلاکتوں کی ذمہ دار حماس ہے انہوں نے کہا کہ امریکی صدر ٹرمپ روس کے رویے سے خوش نہیں، ٹرمپ روس یوکرین کا معاملہ سفارتکاری سے حل کرنا چاہتے ہیں.