Live Updates

رواں سال پاکستان میں معمول سے 80 فیصد زائد بارشیں ریکارڈ

ملک بھر میں طوفانی بارشوں و سیلاب سی116 افردا جاں بحق

جمعرات 17 جولائی 2025 21:25

اسلام آباد (اُردو پوائنٹ اخبارتازہ ترین - این این آئی۔ 17 جولائی2025ء)رواں سال پاکستان میں معمول سے 80 فیصد زائد بارشیں ہوئیں جن میں 116افردا جان کی بازی ہار گئے۔ ڈپٹی ڈائریکٹر محکمہ موسمیات فاروق ڈار نے کہا کہ 80 فیصد سے زائد بارشیں ملک کے بالائی اور وسطی علاقوں میں ہوچکی ہے۔ کشمیر میں 22،بلوچستان میں 142 اور گلگت بلتستان میں 55 فیصد زیادہ بارشیں ہوچکی ہیں اور کے پی میں 33 فیصد ہے۔

(جاری ہے)

پنجاب میں 124'فیصد بارشیں زیادہ ہوئی ہیں۔ڈپٹی ڈائریکٹر محکمہ موسمیات کے مطابق سندھ کے علاوہ ملک بھر میں معمول سے بہت زیادہ بارشیں ہو رہی ہیں۔17 جولائی کو جاری سپیل کے آخری دن بارشیں برسانے والا نیا سسٹم بھی پاکستان میں داخل ہوگیا ۔ اگلے ہفتے کے دوران ملک کے بالائی علاقوں میں مزید بارشیں ہوں گی۔ بڑے شہروں میں سیلابی صورتحال پیدا ہونے کا خدشہ بھی ظاہر کر دیا گیا۔