ٰپاکستان ایک کثیر القومی ریاست ہے ہر قوم اپنی زبان ثقافت سرزمین رکھتی ہے ،ڈاکٹر عبدالمالک بلوچ

aکوئٹہ (اُردو پوائنٹ اخبارتازہ ترین - آن لائن۔ 21 جولائی2025ء)نیشنل پارٹی کے سربراہ ڈاکٹر عبدالمالک بلوچ نے سیاسی و تنظیمی ورکشاپ میں نیشنل پارٹی کے فلسفہ و مقاصد پر لیکچر دیتے ہوئے کہا کہ نیشنل پارٹی کے منشور پر موجود مقاصد نیشنل پارٹی کی فکری سیاست کی رائیں ہے۔پاکستان ایک کثیر القومی ریاست ہے ہر قوم اپنی زبان ثقافت سرزمین رکھتی ہے قومی و طبقاتی استحصالی ڈھانچے نے قومیتوں کی تشخص کو مسخ کرلی۔

۔نیشنل پارٹی قومی طبقاتی جبر و استحصال کے خاتمے کے لیے جدوجہد کررہی ہے۔انہوں نے کہا کہ خارجہ پالیسی میں عوام و عوامی اداروں کی شرکت برائے نام ہے۔اس لیے ملک تنہائی کے عمل سے دوچار ہے۔نیشنل پارٹی نے اصولی موقف اختیار کی ہے کہ جمہور کی بالادستی ہو اور فیصلے عوام کے منتخب نمائندے کے زریعے ہو۔

(جاری ہے)

نیشنل پارٹی کے سربراہ نے کہا کہ نیشنل پارٹی ملک کو فلاحی ریاست بنانے کی جدوجہد کررہی ہے۔

فلاحی ریاست میں عوام کو تمام بنیادی سہولیات حاصل ہو۔تعلیم صحت ریاست کی زمہ داری ہوگی۔جہاں انسانی حقوق کی پامالی نہیں ہوگی۔نیشنل پارٹی کے سربراہ نے لیکچر کو آگے بڑھاتے ہوئے کہا کہ ملک میں آمریت کی تسلسل رہی جس نے ملکی نظام کو بری طرح متاثر کیا۔عوام کو ووٹ حق حاصل نہیں۔طاقتور ائین و قانونی سے ماورا ہے۔میڈیا پر کنٹرول عدلیہ جانبدار اور الیکشن کمیشن آزاد نہیں۔

نیشنل پارٹی کا اصولی موقف ہے کہ پاکستان ایک پارلیمانی جمہوری ریاست ہے۔اس لیے ملک میں حقیقی جمہوریت کی بحالی پارلیمنٹ کی بالادستی قانون کی حکمرانی عوام کے حق رائے دہی سمیت دیگر عوامی حقوق کی بحالی کے لیے جدوجہد کررہی ہے۔انہوں نے کہا کہ بلوچستان کی صورتحال اس وقت انتہائی نازک ہے غربت جہالت پسماندہ سماج اور کرپشن نے باوقار و تعمیری سماج کا راستہ روکا ہے۔

بلوچستان اس وقت ریجن میں کرپٹ ترین علاقہ ہے،انہوں نے کہا کہ بلوچستان کا انحصار زراعت پر رہا ہے لیکن اب واٹر لائن تیزی کے ساتھ نیچے جارہی ہے۔جس زرعی شعبے تنزلی کی طرف ہے۔بلوچستان کے وسائل کو لوٹنے کی طویل داستان ہے گیس بلوچستان سے نکلی لیکن بلوچستان کو گیس نہیں ملی لیکن ملک کے انڈسٹریز تک گیس پہنچ گء۔ماہی گیری معشیت میں بڑا کردار ادا کرسکتا ہے لیکن اس کو ٹرالر مافیا کے حوالے کردیا گیا۔

نیشنل پارٹی کے سربراہ نے کہا کہ ریکوڈک سیندک اور گودار سے بلوچستان کو کچھ نہیں ملا ان اضلاع میں کوئی بنیادی سہولت حاصل نہیں ۔نیشنل پارٹی کے سربراہ نے کہا کہ مشرف نے طاقت کے استعمال کو بروئے کار لاتے ہوئے بلوچستان کو آگ و خون کی دلدل میں دھکیل دیا۔اس وقت مذاکرات کا ماحول نہیں لگتا لیکن نیشنل پارٹی طاقت کے استعمال کی منفی پالیسی کو رد کرتی ہے اور سیاسی مذاکرات کو ہی بلوچستان کے مسلے کا حل سمجھتی ہے۔

ورکشاپ میں سوشل میڈیا کی اہمیت و افادیت اور استعمال پر پریزنٹیشن آئی ٹی ایکسپرٹ شہداد بلوچ نے دی۔اس موقع پر نیشنل پارٹی کے ویب سائٹ کا افتتاح بھی کیا گیا۔سیاسی و تنظیمی ورکشاپ کل بھی جاری رہے گا جس میں معروف دانشور پروفیسر ڈاکٹر سعید جعفر ملکی سیاست اور خطے کی صورتحال پر لیکچر دے گے۔ورکشاپ میں نیشنل پارٹی کے مرکزی و صوبائی عہدیداران سمیت مختلف اضلاع کے زمہ دار دوستوں نے شرکت کی