امریکا ایران کے ساتھ مذاکرات کیلئے اب بھی تیار ہے، ترجمان وائٹ ہاؤس

منگل 22 جولائی 2025 22:07

واشنگٹن (اُردو پوائنٹ اخبارتازہ ترین - آن لائن۔ 22 جولائی2025ء) ترجمان وائٹ ہاؤس کیرولائن لیوٹ نے کہا کہ امریکی صدر نے بھارت اور پاکستان کے درمیان جنگ رکوائی۔ وہ دنیا میں جنگیں رکوانے میں مصروف ہیں، روس اور یوکرین کے درمیان فوری جنگ بندی چاہتے ہیں۔

(جاری ہے)

ترجمان وائٹ ہاؤس کیرولائن لیوٹ نے پریس بریفنگ کے دوران کہا کہ ٹرمپ دنیا میں جنگیں رکوانے میں مصروف ہیں، وہ روس اور یوکرین کے درمیان فوری جنگ بندی چاہتے ہیں، غزہ میں بھی جنگ بندی اور یرغمالیوں کی فوری رہائی چاہتے ہیں۔

انہوں نے کہا کہ وزیر خارجہ مارکو روبیو نے شام میں کشیدگی کے خاتمے کیلئے مداخلت کی، ٹرمپ شام اور غزہ میں چرچ پر اسرائیلی بمباری سے مایوس ہوئے۔ ان کا مزید کہنا تھا کہ امریکا ایران کے ساتھ مذاکرات کیلئے اب بھی تیار ہے۔