Live Updates

’باپ ہی کافی ہے‘ عمران خان کا بیٹوں کو پاکستان آنے سے روکنے کے سوال پر جواب

راولپنڈی کی اڈیالہ جیل میں مقدمات کی سماعت کے موقع پر صحافی نے احتجاج کو لیڈ کرنے سے متعلق پوچھا تھا

ساجد علی منگل 29 جولائی 2025 18:19

’باپ ہی کافی ہے‘ عمران خان کا بیٹوں کو پاکستان آنے سے روکنے کے سوال ..

راولپنڈی ( اُردو پوائنٹ اخبارتازہ ترین۔ 29 جولائی 2025ء ) پاکستان تحریک انصاف کے پیٹرن انچیف عمران خان نے اپنے بیٹوں کو پاکستان آنے سے روکنے کے سوال پر دلچسپ جواب دے دیا۔ میڈیا رپورٹس کے مطابق راولپنڈی کی اڈیالہ جیل میں آج مقدمات کی سماعت کے موقع پر عمران خان اور ان کے دو وکلاء نے سماعت میں شرکت کی، اس دوران جب عمران خان سے سوال کیا گیا کہ ’آپ کے بیٹے امریکہ سے واپس جا چکے ہیں اور احتجاجی تحریک کے لیے 5 اگست کی تاریخ قریب ہے تو کیا احتجاج میں آپ کے بیٹے شرکت کریں گے؟‘، اس پر سابق وزیراعظم نے واضح کیا کہ ’نہیں وہ احتجاج کے لیے پاکستان نہیں آئیں گے‘۔

معلوم ہوا ہے کہ عمران خان سے جب ایک صحافی نے اس بارے میں پوچھا کہ ’کیا آپ کے بچے احتجاج لیڈ کرنے پاکستان آئیں گے؟‘، تو اس پر تحریک انصاف کے پیٹرن انچیف نے جواب دیتے ہوئے کہا کہ ’نہیں، باپ ہی کافی ہے‘۔

(جاری ہے)

عمران خان سے اڈیالہ جیل میں صحافی کا سوال :
کیا آپ کے بچے احتجاج لیڈ کرنے پاکستان آئیں گے؟

عمران خان کا جواب :

نہیں ،باپ ہی کافی ہے۔
— Qamar Maken قمر میکن (@QamarMakenViews) July 29, 2025

اس معاملے پر عمران خان کی ہمشیرہ علیمہ خان نے میڈیا سے گفتگو میں کہا کہ قاسم اور سلیمان کی عمران خان سے ملاقات کی اجازت اب تک نہیں ملی، دونوں بیٹوں کی عمران خان سے ملاقات کنفرم ہو جائے اور ہم ملاقات کا آرڈر لیں تو پھر ہی ہم ان کو بلائیں، قاسم اور سلیمان کی والد سے ملاقات ان کا آئینی حق ہے، ہم چاہتے ہیں بیٹوں کی ملاقات میں کوئی قانونی رکاوٹ بھی نہ ہو، اگر ملاقات کی اجازت کا آرڈر آ جائے تو قاسم اور سلیمان کو پاکستان بلائیں لیکن ابھی تو ہماری اپنی ملاقات بھی عمران خان سے نہیں ہونے دی جا رہی۔

ان کا کہنا ہے کہ آج توشہ خانہ 2 کیس کی سماعت تھی ہمارے پاس عدالت کے احکامات ہونے کے باوجود ہم عمران خان کی بہنوں اور ان کے وکلاء کو اندر نہیں جانے دیا گیا، یہ فئر ٹرائل نہیں ہے اس کے بعد آج ہماری ملاقات ہونی تھی وہ بھی نہیں کرائی گئی، مجھے پچھلے تین مہینے سے جب کہ دوسری دو بہنوں کو دو ہفتوں سے عمران خان سے نہیں ملنے دیا جارہا، انہوں نے عمران خان کی اپنی فیملی کے ساتھ ملاقات بالکل بند کی ہوئی ہے۔