گورنر سندھ کی جانب سے پی ایف یو جے کی 75ویں سالگرہ پر ظہرانہ، صحافیوں کی خدمات اور کراچی کی معاشی اہمیت کو خراجِ تحسین

سچ کہ کی تلاش اور عوام کی آواز بننا صحافیوں کا اصل مشن ہے۔ جمہوریت کے فروغ، سماجی انصاف اور قومی ترقی میں میڈیا کا کردار ناقابلِ فراموش ہے،کامران ٹیسوری

اتوار 3 اگست 2025 17:35

کراچی(اُردو پوائنٹ اخبارتازہ ترین - این این آئی۔ 03 اگست2025ء)گورنر سندھ کامران خان ٹیسوری کی جانب سے پاکستان فیڈرل یونین آف جرنلسٹس (پی ایف یوجی) کی 75 ویں سالگرہ کے موقع پر گورنر ہاؤس کراچی میں ایک پُروقار ظہرانے کا اہتمام کیا گیا، جس میں ملک بھر سے ممتاز صحافیوں نے شرکت کی۔اپنے خطاب میں گورنر سندھ نے صحافت کو ایک مقدس پیشہ قرار دیتے ہوئے کہا سچ کہ کی تلاش اور عوام کی آواز بننا صحافیوں کا اصل مشن ہے۔

جمہوریت کے فروغ، سماجی انصاف اور قومی ترقی میں میڈیا کا کردار ناقابلِ فراموش ہے۔انہوں نے مزید کہا کہ ماضی میں گورنر ہاؤس صرف خواص کے لیے تھا، مگر آج ہم نے خدمتِ خلق کے جذبے سے سرشار ہو کر اس کے دروازے عوام کے لیے کھول دئے ہیں۔ ان کا کہنا تھا کہ کراچی نہ صرف پاکستان کا سب سے بڑا شہر ہے بلکہ ملک کی معاشی شہ رگ بھی ہے۔

(جاری ہے)

کراچی ملک کی معیشت میں ریڑھ کی ہڈی کی حیثیت رکھتا ہے۔

بندرگاہوں، صنعتوں، تجارتی سرگرمیوں اور ٹیلنٹ کے اعتبار سے یہ شہر پورے پاکستان کی اقتصادی ترقی کا انجن ہے۔ اس شہر کو مستحکم اور خوشحال بنائے بغیر قومی ترقی ممکن نہیں۔ تقریب میں کراچی یونین آف جرنلسٹس (کے یوجی) کے صدر طاہر حسن نے گورنر سندھ کے عوامی فلاحی اقدامات کو سراہتے ہوئے انہیں دیگر صوبوں کے لیے ایک مثالی رہنما قرار دیا، جبکہ پی ایف یو جے کے جنرل سیکریٹری ارشد انصاری نے گورنر ہاؤس کو عوام کے لیے کھولنے کے اقدام کو سراہتے ہوئے کامران خان ٹیسوری کو "عوامی گورنر" کا لقب دیا۔

متحدہ قومی موومنٹ پاکستان کے سینئر رہنما ڈاکٹر فاروق ستار نے پی ایف یو جے کی صحافیوں کی فلاح و بہبود کے لیے کی گئی کاوشوں کو قابلِ تقلید قرار دیا۔ پی ایف یو جے کے صدر افضل بٹ نے گورنر سندھ سے مطالبہ کیا کہ صحافیوں کو جدید آئی ٹی اور ڈیجیٹل مہارتوں کی تربیت فراہم کی جائے تاکہ وہ تیزی سے بدلتے ہوئے میڈیا کے تقاضوں سے ہم آہنگ ہو سکیں۔ انہوں نے گورنر کے تحت جاری آئی ٹی کلاسز کو سراہا اور امید ظاہر کی کہ ایسی سہولیات صحافی برادری کو بھیندستیابنہوںنگی۔