محکمہ موسمیات کا الرٹ: خیبر پختونخوا، کشمیر، گلگت بلتستان اور پوٹھوہار میں شدید بارشیں، سیلاب اور لینڈ سلائیڈنگ کا خطرہ

اسلام آباد (اُردو پوائنٹ اخبارتازہ ترین - اے پی پی۔ 17 اگست2025ء) محکمہ موسمیات نے خیبر پختونخوا، کشمیر، گلگت بلتستان ، خطہ پو ٹھو ہار، ڈی جی خان /کو ہ سلیمان اور شمال مشر قی بلوچستان کے مقامی و بر ساتی ندی نالوں میں طغیانی کا خطرہ ظاہر کیا ہے۔ شمال مشر قی پنجاب،اسلام آباد،راولپنڈی، پشاور ، نوشہرہ اورجنو ب مشرقی سندھ کے نشیبی علا قے زیر آب آنے کاخدشہ ہے،شدید بارشوں کے باعث خیبرپختونخوا کے پہاڑی علاقوں، گلگت بلتستان، مری، گلیات اور کشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے، شدید بارشوں ، آندھی ، جھکڑ چلنے اور گرج چمک کے باعث روزمرہ کے معمولات متاثر ہونے، کمزور انفرا سٹرکچر (کچے گھر / دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ ہے۔

(جاری ہے)

مسافروں اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں اور بارشوں کے دوران کسی بھی ناخوشگوار صورتحال سے بچنے کے لیے موسم کے بارے میں آگاہی حاصل کریں۔محکمہ موسمیات کے مطابق کل پیر کوخیبر پختونخوا، کشمیر، اسلام آباد، پنجاب، سندھ، شمال /جنوب مشر قی بلو چستان ا ور گلگت بلتستان میں مطلع جزوی ابر آلود رہنےکے علاوہ تیز ہواؤں اور گرج چمک کے ساتھ بارش کا امکان ہے اس دوران بالائی خیبر پختونخوا، خطہ پوٹھوہار،کشمیر اور بالائی پنجاب میں چند مقامات پر تیز/موسلادھار بارش متوقع ہے۔

گذشتہ 24 گھنٹوں کے دوران شمال مشرقی پنجاب، خطہ پوٹھوہار، شمال /جنوب مشر قی بلو چستان ، جنوب مشر قی سندھ، بالائی خیبر پختونخوا اورکشمیر میں گرج چمک کے ساتھ بارش ہوئی ۔ ملک کےدیگر علاقوں میں موسم گرم اور حبس رہا۔سب سے زیادہ بارش پنجاب اسلام آباد (گولڑہ 76، سید پور 75، ایئرپورٹ 59، سٹی 40، بوکرا 33)، جہلم 45، راولپنڈی (شمس آباد 44، کچہری، پیرودھائی، گوالمنڈی 42، نیو کٹاریاں 40)، سیالکوٹ (سٹی 38، ایئرپورٹ 23)، منگلا 34، منڈی بہاؤالدین 24، اٹک 19، چکوال اور نارووال 04، مری 03، سندھ: تھر پارکر (نگر پارکر 50، اسلام کوٹ 44، ڈپلو 12)، چھور 23، مٹھی 18، ٹنڈو جام 03، حیدرآباد 02، موہنجو داڑو 01،بلوچستان: بارکھان 30، کشمیر: کوٹلی 13، راولاکوٹ 07، مظفر آباد (شہر 07، ایئرپورٹ 06)، گڑھی دوپٹہ 06، خیبر پختونخوا: باچا خان ایئرپورٹ 09، دیر اور پشاور سٹی 08، کاکول اور بالاکوٹ 05، پٹن میں 01میٹر بارش ریکارڈ کی گئی۔

اتوار کو ریکارڈ کئے گئے زیادہ سےزیادہ درجہ حرارت : نوکنڈی ، دالبندین، دادو اور جیکب آبادمیں 43ڈگری سینٹی گریڈ ریکارڈ کیا گیا۔