وفاقی وزیر شزہ فاطمہ خواجہ سے سپیکر پنجاب اسمبلی ملک احمد خان کی ملاقات،وزیراعظم شہباز شریف کے ڈیجیٹل نیشن وژن پر گفتگو

منگل 19 اگست 2025 22:55

اسلام آباد (اُردو پوائنٹ اخبارتازہ ترین - این این آئی۔ 19 اگست2025ء)وفاقی وزیر انفارمیشن ٹیکنالوجی و ٹیلی کمیونیکیشن شزہ فاطمہ خواجہ سے سپیکر پنجاب اسمبلی ملک احمد خان نے ملاقات کی۔انہوں نے ملاقات میں وزیراعظم شہباز شریف کے ڈیجیٹل نیشن وژن پر گفتگو کی۔

(جاری ہے)

منگل کو وزارت آئی ٹی سے جاری کردہ بیان کے مطابق وفاقی وزیر اور سپیکر پنجاب اسمبلی کے درمیان باہمی دلچسپی کے امور پر تبادلہ خیال کیاگیا۔ملک احمد خان نے پاکستان میں آئی ٹی کے شعبے میں ہونے والی ترقی کو سراہا جبکہ ڈیجیٹل معیشت کے فروغ اور صوبائی تعاون کے حوالے سے تجاویز زیر غور آئیں۔ملک احمد خان نے جدید ٹیکنالوجی، ایمرجنگ ٹرینڈز اور ڈیجیٹائزیشن پر گفتگو کی۔