ساہیوال ، ڈی جی خان میں ضمنی الیکشن ، (ن) لیگ نے امیدواروں سے درخواستیں طلب کر لیں

این اے 185، این اے 143اور پی پی 203میں پولنگ 5اکتوبر کو ہو گی‘الیکشن کمیشن

بدھ 20 اگست 2025 20:00

لاہور (اُردو پوائنٹ اخبارتازہ ترین - این این آئی۔ 20 اگست2025ء) پاکستان مسلم لیگ (ن) نے قومی اسمبلی کے 2اور پنجاب اسمبلی کے ایک حلقے میں ضمنی انتخابات کے لئے امیدواروں سے درخواستیں طلب کر لیں۔

(جاری ہے)

مشیر وزیراعلی پنجاب راشد نصر اللہ کے مطابق پارٹی صدر محمد نواز شریف کی ہدایت پر مسلم لیگ (ن) نے ساہیوال اور ڈی جی خان میں ہونے والے ضمنی انتخابات کے لئے امیدواروں سے درخواستیں طلب کر لی گئی ہیں ، امیدوار پارٹی ٹکٹ کے لئے اپنی درخواست ماڈل ٹائون پارٹی سیکریٹریٹ 180ایچ پر جمع کروا سکتے ہیں۔الیکشن کمیشن کے جاری کردہ شیڈول کے مطابق این اے 185، این اے 143 اور پی پی 203میں پولنگ 5اکتوبر کو ہو گی۔