امریکا اب بھارت کو جنوبی ایشیا میں متبادل شراکت دارکے طورپر نہیں دیکھ رہا ، رپورٹ

جمعرات 4 ستمبر 2025 22:55

اسلام آباد (اُردو پوائنٹ اخبارتازہ ترین - آن لائن۔ 04 ستمبر2025ء)پاکستان کی متوازن خارجہ پالیسی اورمؤثرملٹری ڈپلومیسی عالمی افق پرکامیابیوں کی نویدبن گئی ہے ۔امریکااب بھارت کو جنوبی ایشیا میں متبادل شراکت دارکے طورپر نہیں دیکھ رہا، امریکی ترجیحات میں تبدیلی بھارت کے لیے پریشانی کاباعث ہے،گزشتہ کئی سالوں سے بھارت امریکی ترجیحات میں شامل تھا مگر اب وہ دورختم ہوچکاہے۔

عالمی منظر نامے میں پاکستان کی بڑھتی ہوئی اہمیت پر بین الاقوامی جریدے دی ڈپلومیٹ کی رپورٹ منظرعام پرآگئی ہے ۔بین الاقوامی جریدے دی ڈپلومیٹ کے مطابق؛’’امریکی ترجیحات میں تبدیلی آئی اور اس کاجھکاؤبھارت کی بجائے پاکستان کی جانب واضح ہے‘‘۔

(جاری ہے)

دی ڈپلومیٹ کے مطابق پاکستان امریکا کے لیے جنوبی ایشیاو مشرقِ وسطیٰ میں اہم کردارکاحامل ہے، حالیہ پاک بھارت تنازع نے بھی امریکہ کے اندازے عسکری طاقت کے حوالے سے یکسر بدل دیے ہیں،بدلتے حالات کے پیش نظربھارت کیلئے نیٹ سکیورٹی پرووائیڈر کا کرداربھی ادا کرنامشکل نظر آرہا ہے، امریکہ پاکستان تعلقات کے فروغ سے مشترکہ مفادات کی ہم آہنگی مزیدبہترہو گئی ہے، دی ڈپلومیٹ کے مطابق امریکااب بھارت کو جنوبی ایشیا میں متبادل شراکت دارکے طورپر نہیں دیکھ رہا،امریکی ترجیحات میں تبدیلی بھارت کے لیے پریشانی کاباعث ہے، گزشتہ کئی سالوں سے بھارت امریکی ترجیحات میں شامل تھا مگر اب وہ دورختم ہوچکاہے، پاکستان بھارت کیساتھ تعلقات بہترکرنے کے لیے آمادگی دکھاتارہا ہے، دی ڈپلومیٹ کے مطابق پاکستان کے مطابق بھارت نے امن کی پیش کش کاجواب ہمیشہ کشیدگی بڑھا کر دیا،بھارت نے بلوچستان میں خفیہ مداخلت بڑھائی اور بلوچستان میں ٹارگٹ کلنگ مہم چلائی، مئی 2025 میں پاک بھارت تنازعے نے ایٹمی تصادم کے خدشات کو بڑھا دیا، امریکہ نے پاک بھارت جنگ بندی میں کردار ادا کیا، بھارت کا مذاکرات سے مسلسل انکار امریکا کے ساتھ تعلقات میں مستقل بے یقینی اور بگاڑ پیدا کر رہا ہے۔