Live Updates

وزیراعظم سے بات ہونے کے باوجود سیلاب متاثرین کی امداد میں تاخیر ہو رہی ہے، بلاول

سیلاب متاثرہ علاقوں میں بے نظیر انکم سپورٹ پروگرام کے تحت امداد پہنچائی جائے : چیئرمین پی پی کی سکھر میں میڈیا سے گفتگو

بدھ 10 ستمبر 2025 13:47

وزیراعظم سے بات ہونے کے باوجود سیلاب متاثرین کی امداد میں تاخیر ہو ..

سکھر(اُردو پوائنٹ اخبارتازہ ترین - این این آئی۔ 10 ستمبر2025ء) چیئرمین پی پی بلاول بھٹو زرداری کا کہنا ہے کہ وزیراعظم شہباز شریف سے بات ہونے کے باوجود سیلاب متاثرین کی امداد میں تاخیر ہو رہی ہے۔سکھر میں میڈیا سے گفتگو کرتے ہوئے چیئرمین پی پی بلاول بھٹو زرداری نے کہا کہ میں نے وزیراعظم شہباز شریف سے بات کی تھی کہ سیلاب متاثرہ علاقوں میں بے نظیر انکم سپورٹ پروگرام کے تحت امداد پہنچائی جائے لیکن 2 ہفتے گزرنے کے بعد بھی پنجاب کے عوام ابھی تک امداد کے منتظر ہیں۔

(جاری ہے)

انھوں نے کہا کہ میں وفاق سے سندھ کیعوام کے لیے بھی یہی درخواست دہراؤں گا، سیلاب سے ڈیڑھ ارب ڈالرز کا نقصان ہوگا لہٰذا ملک بھر میں زرعی ایمرجنسی نافذ کرنی چاہیے۔دوران گفتگو بلاول بھٹو نے مزید کہا کہ پیپلزپارٹی ڈیمز کی حمایت کرتی ہے لیکن دریائے سندھ پر ڈیم بنانے کے شوشے کیوں چھوڑے جا رہے ہیں ، سیلاب گزرنے کے بعد متنازع ایشوز پر بات کریں۔واضح رہے کہ اس سے قبل بلاول بھٹو زرداری کی جانب سے سیلاب متاثرہ علاقوں میں کسانوں کے بجلی بل معاف کرنے کا مطالبہ کیا گیا تھا۔