ایم کیو ایم پاکستان نے ہمیشہ محنت کش طبقے کے حقوق کے لیے عملی جدوجہد کی ہے، ڈاکٹر خالد مقبول صدیقی

بلدیاتی اداروں کے ریٹائرڈ ملازمین کے حق میں عدالتِ عالیہ کا تاریخی فیصلہ ایم کیو ایم پاکستان کی لیگل ایڈ کمیٹی کی شاندار کامیابی،خوشی میں مٹھائی تقسیم

ہفتہ 11 اکتوبر 2025 22:25

کراچی(اُردو پوائنٹ اخبارتازہ ترین - این این آئی۔ 11 اکتوبر2025ء) بلدیاتی اداروں بشمول کے ایم سی، واٹر بورڈ اور ڈی ایم سیز کے ریٹائرڈ ملازمین کے حق میں عدالتِ عالیہ کے تاریخی فیصلے پر ایم کیو ایم پاکستان کی لیگل ایڈ کمیٹی نے شاندار کامیابی حاصل کی۔ فیصلے کی خوشی میں ایم کیو ایم پاکستان کے مرکز بہادرآباد پر مٹھائی تقسیم کی گئی، جہاں چیئرمین اور وفاقی وزیر برائے تعلیم ڈاکٹر خالد مقبول صدیقی، سینئر مرکزی رہنما سید امین الحق، مرکزی رہنما شبیر قائم خانی،راشد سبزواری، مسعود محمود، حق پرست ایم پی اے عامر صدیقی اور عادل عسکری سمیت دیگر رہنما موجود تھے۔

اس موقع پر ڈاکٹر خالد مقبول صدیقی نے کہا کہ ایم کیو ایم پاکستان نے ہمیشہ محنت کش اور ریٹائرڈ ملازمین کے حقوق کے تحفظ کے لیے عملی جدوجہد کی ہے اور عدالت کا یہ فیصلہ اس جدوجہد کا تسلسل اور عوامی خدمت کے عزم کی کامیاب عکاسی کرتا ہے۔

(جاری ہے)

انہوں نے کہا کہ محنت کش طبقہ اس شہر کی ریڑھ کی ہڈی ہے، ان کے جائز حقوق کی بحالی اور ان کی عزتِ نفس کا تحفظ ایم کیو ایم کے بنیادی مقاصد میں شامل ہے۔

رہنماں نے کہا کہ لیگل ایڈ کمیٹی کی یہ کامیابی نہ صرف انصاف کی جیت ہے بلکہ ایم کیو ایم پاکستان کی اصولی سیاست، قانونی جدوجہد اور عوامی خدمت کے عزم کا ثبوت ہے۔ اس موقع پر پارٹی رہنماں نے عزم دہرایا کہ ایم کیو ایم پاکستان آئندہ بھی شہری اداروں کے ملازمین اور عوامی مفاد کے تحفظ کے لیے ہر سطح پر مثر کردار ادا کرتی رہے گی۔