لوک سہائتا 54 ویں نیشنل اتھلیٹکس چیمپئن شپ 14مئی سے کراچی میں شروع ہو گی

بدھ 6 مئی 2026 16:18

اسلام آباد(اُردو پوائنٹ اخبارتازہ ترین - این این آئی۔ 06 مئی2026ء) پاکستان اتھلیٹکس فیڈریشن کے زیر اہتمام اور سندھ اتھلیٹکس ایسوسی ایشن کے تعاون سے لوک سہائتا 54ویں نیشنل اتھلیٹکس چیمپئن شپ کی تیاریاں زور و شور سے جاری ہیں اور چیمپئن شپ 14مئی سے کراچی میں شروع ہو گی۔

(جاری ہے)

پاکستان اتھلیٹکس فیڈریشن کے صدر برگیڈئیر ریٹائرڈ وجاہت حسین نے بتایا کہ چیمپئن شپ کی تیاریاں شروع کر دی گئیں ہیں اور چیمپئن شپ میں شرکت کرنے والے اتھلیٹکس فیڈریشن آف پاکستان سے منسلک ڈیپارٹمنٹس، ریجنل اور صوبائی ایسوسی ایشنز کو ہدایات جاری کر دی گئی ہیں۔

انہوںنے بتایاکہ چیمپئن شپ میں ڈے اینڈ نائٹ مقابلے منعقد ہونگے، چیمپئن شپ میں ملک بھر سے مرد اور خواتین کی ٹیمیں حصہ لے رہی ہیں جن میں پاکستان آرمی، پاکستان ائیر فورس، پاکستان نیوی، پاکستان واپڈا، پاکستان ریلوے، پاکستان پولیس، ہائر ایجوکیشن کمیشن، پنجاب، خیبرپختونخوا، سندھ، بلوچستان، اسلام آباد، گلگت بلتستان اور آزاد جموں و کشمیر کی ٹیمیں شامل ہیں اور چیمپئن شپ 17 مئی تک جاری رہے گی اور چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔