مرکزی انجمن اخبار فروشاں کراچی کے ایک اعلی سطحی وفد کا ٹنڈوالہیار کا دورہ

ٹنڈوالہیار(اُردو پوائنٹ اخبارتازہ ترین - این این آئی۔ 07 مئی2026ء) آل پاکستان اخبار فروش فیڈریشن کے صدر اقبال نون کی ہدایت پر مرکزی انجمن اخبار فروشاں کراچی کے ایک اعلی سطحی وفد نے ٹنڈوالہیار کا دورہ کیا۔ وفد میں سینیئر نائب صدر چوہدری نذیر، فنانس سیکرٹری ناصر نثار اور نیوز ایجنٹ احمد حسین شامل تھے۔دورے کے دوران وفد نے ٹنڈوالہیار کی مقامی تنظیم کے عہدیداران سے تفصیلی ملاقات کی، جن میں اخبار فروش یونین کے صدر عمران خانزادہ، نائب صدر بشیر شاہ اور جنرل سیکرٹری طفیل شامل تھے۔

اس موقع پر علاقے میں کام کرنے والے اخبار فروشوں کو درپیش مسائل، معاشی مشکلات اور پیشہ ورانہ چیلنجز پر تفصیلی تبادلہ خیال کیا گیا۔وفد کے ارکان نے اخبار فروشوں کے مسائل کو غور سے سنا اور یقین دہانی کرائی کہ ان مسائل کو اعلی سطح پر اٹھایا جائے گا اور ان کے حل کے لیے عملی اقدامات کیے جائیں گے۔

(جاری ہے)

اس موقع پر اس بات پر بھی زور دیا گیا کہ اخبار فروشوں کے حقوق کا تحفظ اور ان کی فلاح و بہبود تنظیم کی اولین ترجیح ہے۔

اخبار فروش یونین کے عہدیداران نے وفد کی آمد کو خوش آئند قرار دیتے ہوئے امید ظاہر کی کہ اس دورے کے مثبت نتائج برآمد ہوں گے اور اخبار فروشوں کو درپیش مسائل کے حل میں پیش رفت ہوگی ان کا مذید کہنا تھا کہ پر نٹ میڈ یا سے جوڑے ہو ئے اخبار فروش انتہائی مشکل حالات کا سامنا کر رہے ہیں مہنگائی عروج پر پہنچنے کے سبب اخباری صنعت تباہی کی دھانے پر کھڑی ہے اخبار مالکان بھی اخبار فروشوں کے مسائل پر توجہ دینے سے قاصر ہیں اخبار فروشوں کی نمائندہ تنظیم آل پاکستان اخبار فروش فیڈریشن اپنے ورکروں کے مسائل کو حل کر نے کی ہر ممکن اقدامات کر رہے ہیں سوشل میڈیا کے سبب اخباری صنعت بیٹھ چکی ہے انھوں نے کہا کہ ایک طر ف اخبار فروش مشکل حالات کا سامنا کر رہے ہیں تو دوسری طر ف اخبار کی تر سیل انتہائی مایوس کن صورتحال اختیار کر چکی ہے جس کے سبب اخبار فروشوں کے گھروں کے چولہے ٹھنڈے ہو رہے ہیں حکومت وقت اخباری صنعت کو بچانے کے لیے اپنا کر دار ادا کر ے اور حکومت سند ھ اخبار فروشوں پنکی موٹر سائیکل فراہم کر ے تاکہ مہنگائی کا کچھ مقابلہ کیا جا سکے اور سندھ کے تمام ڈپٹی کمشنر اپنے اپنے اضلاع میں اخبارفروشوں کو اخبار مارکیٹ کے لیے جگہ فراہم کر ے اور ان کے حالات کو مد نظر رکھتے ہو ئے ان کی مالی مد د کی جا ئے اور اخبار مالکان بھی اخباری صنعت کی ریڈ کی ہڈی کو مضبوط بنانے کے لیے اخبار فروشوں کے مسائل کے حل کے فوری اقدامات اٹھائے جائیں ۔