Live Updates

سٹاک ایکسچینج میں مندی کا رحجان، 100 انڈیکس 1590.09 پوائنٹس کی کمی کے بعد 168916.22 پوائنٹس پر بند

منگل 12 مئی 2026 20:17

اسلام آباد (اُردو پوائنٹ اخبارتازہ ترین - اے پی پی۔ 12 مئی2026ء) پاکستان سٹاک ایکسچینج میں منگل کومندی کا رحجان رہا اور کے ایس ای 100 انڈیکس 1590.09 پوائنٹس کی کمی کے بعد 168916.22 پوائنٹس پر بند ہوا،کاروباری سرگرمیوں کے دوران 562 کمپنیوں کے حصص کا لین دین ہوا،106 کمپنیوں کے حصص کی قیمتوں میں اضافہ،346کی قیمتوں میں کمی اور 110 کمپنیوں کے حصص کی قیمتوں میں استحکام رہا، مجموعی طورپر1017.42 ملین حصص کا لین دین ہواجن کی مالیت 32.031 ارب روپے تھی۔

کے ایس ای 30 انڈیکس 490.27 پوائنٹس کی کمی کے بعد 50530.75 پوائنٹس اور اسلامی مالیات کا حامل کے ایم آئی 30 انڈیکس 2138.05 پوائنٹس کی کمی سے 242598.22 پوائنٹس پر بند ہوا۔ فیوچر ٹریڈنگ کے تحت 7.061 ارب روپے کے سودے طے پائے، مارکیٹ کیپٹلائزیشن ایک فیصد کی کمی کے بعد 67.1 ارب ڈالر ریکارڈ کیا گیا ۔

(جاری ہے)

سینیرجیکو پاکستان کے 154128151 حصص،حیسکول کے 113570988 حصص اور کے الیکٹرک کے 113570988 حصص کا لین دین ہوا۔

حرا ٹیکسٹائل ملز لمیٹڈ ،چناب لمیٹڈ اور فرسٹ ایکویٹی مضاربہ سرفہرست ایڈوانسر کمپنیاں رہیں۔ٹاپ لائن سیکورٹیز کے مطابق کا روباری سرگرمیوں کے دوران سرمایہ کا روں نے بڑھتی ہوئی جغرافیائی کشیدگی اور تیل کی قیمتوں میں اضافے کے باعث محتاط رویہ اختیار کیا۔ ایک موقع پر انڈیکس 1065 پوائنٹس کی بلند ترین سطح تک پہنچا تاہم بعد ازاں شدید فروخت کے دبائو کے باعث 1683 پوائنٹس کی کم ترین سطح تک گر گیا۔

کاروبار کے اختتام پر انڈیکس 1,590 پوائنٹس یا 0.93 فیصد کمی کے ساتھ 168,916 پوائنٹس پر بند ہوا۔ امریکہ اور ایران کے درمیان جاری کشیدگی کے منفی اثرات سرمایہ کا روں کے اعتماد پر اثراندازرہے اور وہ محتاط طرزعمل کا مظاہرہ کرتے رہے۔ دوسری جانب عالمی منڈی میں خام تیل کی قیمتوں میں مسلسل اضافے نے بھی مارکیٹ پر دبائو بڑھایا جس کے نتیجے میں مختلف شعبوں میں منافع کے حصول کے لیے فروخت کا رجحان غالب رہا۔ اسی دبائو کے باعث کا روباری سیشن کے دوران شدید اتار چڑھائو دیکھنے میں آیا۔ مارکیٹ میں بھاری سرمایہ رکھنے والے اہم کمپنیوں کے حصص نے مجموعی طور پر انڈیکس کو تقریباً 750 پوائنٹس نیچے دھکیلنے میں اہم کردار ادا کیا۔