پی ٹی آئی لانگ مارچ کی تاریخ پر اختلاف، محمود اچکزئی کا 27 ستمبر کو ہر صورت مارچ شروع کرنے کا مشورہ، بعض رہنماؤں کی ایک ہفتے کی تاخیر کی تجویز

iلانگ مارچ 27 ستمبر کو شروع ہوگا یا مؤخر حتمی فیصلہ پی ٹی آئی کی سیاسی کمیٹی کرے گی، محمود اچکزئی کا حکومت سے مذاکرات کی صورت میں عمران خان سے اپوزیشن رہنماؤں کی ملاقات کا مطالبہ

جمعہ 25 ستمبر 2026 20:50

ظ*اسلام آباد (اُردو پوائنٹ اخبارتازہ ترین - آن لائن۔ 25 ستمبر2026ء) پی ٹی آئی لانگ مارچ۔اپوزیشن لیڈر محمود خان اچکزئی نے 27 ستمبر کو ہر صورت لانگ مارچ شروع کرنے کی تجویز دیدی۔پارٹی کے کئی لیڈر لانگ مارچ ایک ہفتہ تک ملتوی کرنے کے حامی۔پی ٹی آئی چیئرمین کی اپوزیشن لیڈر سے ملاقات۔حتمی فیصلہ سیاسی کمیٹی کرے گی۔ذرائع کے مطابق قومی اسمبلی میں اپوزیشن لیڈر اورپشتونخوا ملی عوامی پارٹی کے سربراہ محمود خان اچکزئی نے وزیراعلیٰ خیبرپختونخوا سہیل آفریدی سے رابطہ کیا ہے اور انہیں تجویز دی ہے کہ لانگ مارچ 27 ستمبر کو ہی پشاور سے شروع کیا جائے۔

ذرائع کے مطابق محمود اچکزئی نے کہا کہ چاہے اسلام آباد کتنے عرصے میں بھی پہنچنا ہو، لانگ مارچ کا آغاز 27 ستمبر کو ہی پشاور سے ہونا چاہیے۔

(جاری ہے)

انہوں نے واضح کیا کہ پاکستان تحریک انصاف کو 27 ستمبر کی تاریخ سے ایک انچ بھی پیچھے نہیں ہٹنا چاہیے۔ذرائع کے مطابق محمود اچکزئی نے مزید تجویز دی کہ اگر حکومت مذاکرات چاہتی ہے تو پہلے سینیٹ اور قومی اسمبلی میں اپوزیشن لیڈرز کی سابق وزیراعظم عمران خان سے ملاقات کرائی جائے۔

ان کا کہنا تھا کہ سینیٹ اور قومی اسمبلی میں اپوزیشن لیڈرز کی عمران خان سے ملاقات پر حکومت کی آمادگی سے اس کی سنجیدگی کا اندازہ ہو جائے گا۔ذرائع کا کہنا ہے کہ اسی دوران تحریک انصاف کے بعض رہنماؤں نے وزیراعلیٰ سہیل آفریدی کو لانگ مارچ ایک ہفتہ موخر کرنے کی تجویز دی ہے جبکہ کچھ رہنماؤں نے عمران خان کی سالگرہ پر مارچ شروع کرنے کی سفارش کی ہیذرائع کے مطابق پی ٹی آئی کے چیئرمین بیرسٹر گوہر نے بھی موجودہ صورتحال پر مشاورت کے لیے اپوزیشن لیڈر سے ملاقاتیں کی ہیں۔ذرائع کے مطابق وزیراعلیٰ سہیل آفریدی سیاسی کمیٹی کی مشاورت اور فیصلے کے بعد اگلے لائحہ عمل کا اعلان کریں گے۔ اعجاز خان