بھارت میں شدید بارشیں، 100سے زائد افراد ہلاک، 80 لاکھ افراد سیلاب سے متاثر ، متاثرین کیلئے محفوظ مقام پر عارضی پناہ گاہیں قائم

منگل 4 اگست 2015 09:06

نئی دہلی(اُردو پوائنٹ اخبارآن لائن۔4 اگست۔2015ء)بھارت کی کئی ریاستوں میں بارشوں کے بعد سیلابی صورتحال پیدا ہوگئی۔ریاست گجرات،راجستھان،اڑیسہ،ہماچل پردیش اورمغربی بنگال میں شدید بارشوں کے سبب 100سیزائد افراد ہلاک ہوگئے۔

(جاری ہے)

بھارتی ریاستوں گجرات،راجستھان،مغربی بنگال ،اڑیسہ اور ہماچل پردیش میں بارشوں کے بعد نظام زندگی مفلوج ہو کر رہ گیا ہے۔ریسکیو اہلکار متاثرہ علاقوں سے پھنسے ہوئے لوگوں نکالنے کی پوری کوشش کر رہے ہیں ،ان پانچ ریاستوں میں بارش کے باعث ہونے والے مختلف حادثات میں 100 افراد جان سے چلے گئے اور 80 لاکھ افراد سیلاب سے متاثر ہوئے۔دوسری جانب حکام نے متاثرین کیلئے محفوظ مقام پر عارضی پناہ گاہیں قائم کر دی ہیں۔