جرمن ٹی وی نے انجیلامرکل کو برقعہ پہنا دیا
برلن(اُردو پوائنٹ اخبارآن لائن۔8اکتوبر۔2015ء)ایک جرمن ٹی وی چینل نے اپنے پروگرام میں چانسلر اینگلا مرکل کی برقعہ یا حجاب پہنے ہوئے تصویر شائع کر دی ہے جس پر اسے سخت تنقید کا سامنا کرنا پڑ رہا ہے۔غیر ملکی خبر رساں ادارے کی رپورٹ کے مطابق جرمنی کے ایک نیوز چینل نے اپنی ہی چانسلر کو انجیلاا مرکل کو برقعہ اوڑھے دکھایا ہے جس پر اسے سخت تنقید کا سامنا کرنا پڑ رہا ہے۔
اینگلا مرکل کی اس تصویر میں ان کی پشت پر مینار دکھائی دے رہے ہیں جس پر جرمنی کا جھنڈا لہرا رہا ہے۔(جاری ہے)
ناظرین نے چینل کی اس حرکت کیخلاف شدید غم و غصے کا اظہار کرتے ہوئے کہا ہے کہ وہ مسلم مخالف جذبات بھڑکانے کی مذموم کوشش کر رہا ہے۔ خیال رہے کی جرمن چانسلر اینگلا مرکل نے مہاجرین کے حق میں کافی نرم پالیسی اختیار کی ہے جس پر انھیں سخت تنقید کا سامنا کرنا پڑ رہا ہے۔ نیوز چینل کی اس حرکت کیخلاف ایک ناظر نے سماجی رابطے کی ویب سائٹ فیس بْک پر اظہار خیال کرتے ہوئے کہا کہ اے آر ڈی کا یہ اقدام اچھی صحافت نہیں ہے۔ ایک اور فیس بْک صارف نے لکھا کہ اینگلا مرکل کی یہ تصویر جرمنی میں مسلم مخالف لوگوں کی عکاس ہے جس کو کسی صورت قبول نہیں کیا جا سکتا۔
مزید متعلقہ خبریں پڑھئیے :
متعلقہ عنوان :
