پی آئی اے کو خسارے سے نکالنے اور منافع بخش ادارہ بنانے کے لیے ری سٹرکچرنگ اور انتظامی اصلاحات کا آغاز

جرمن نژاد قائم مقام چیف ایگزیکٹو آفیسر ہلڈن برنڈکو جبر ی رخصت پر بھیج دیا گیا ڈیپوٹیشن پر آنیوالے افسران اور اہلکاروں کو بھی انکے اداروں میں واپس بھیج دیا گیا

جمعرات 6 اپریل 2017 23:41

اسلام آباد(اُردو پوائنٹ اخبار آن لائن۔ جمعہ 7 اپریل 2017ء) قومی ائیر لائن پی آئی اے کو خسارے سے نکالنے اور ایک منافع بخش ادارہ بنانے کے لیے پی آئی اے نے ری سٹرکچرنگ اور انتظامی اصلاحات کا آغاز کر دیا ہے۔ پی آئی اے کے جرمن نژاد قائم مقام چیف ایگزیکٹو آفیسر ہلڈن برنڈکو جبر ی رخصت پر بھیج دیا گیا ہے جبکہ پی آئی اے نے ڈیپوٹیشن پر آنے والے افسران اور اہلکاروں کو انکے اداروں میں واپس بھیج دیا ہے۔

خسارہ، بد انتظامی اور مالیاتی بحران سے دوچار قومی ائیر لائن پی آئی اے نے مختلف سطحوں پر انتظامی اصلاحات کا جو سلسلہ گزشتہ ماہ شروع کیا تھا اسکے دوسرے مرحلے میں جمعرات کے روز قائم مقام چیف ایگزیکٹیو آفیسر پی آئی اے ہلڈن برنڈ، جنکانام کچھ عرصہ قبل ایگزٹ کنٹرول لسٹ پر ڈالا گیا تھا ، کو جبری رخصت پر بھیج دیا گیا ہے اور چیف فنانشنل آفیسر نئیر حیات کو اس دوران قائم مقام چیف ایگزیکٹیو افسر کی ذمہ داریاں تفویض کی گئی ہیں ۔

(جاری ہے)

اسکے ساتھ ساتھ مختلف اداروں سے ڈیپوٹیشن پر پی آئی اے آنے والے افسران اور اہلکاروں کے بار ے میں بھی اہم فیصلہ کرتے ہوئے ان تمام افسران اور اہلکاروں کو انکے اداروں میں بھیجوانے کے احکامات جاری کئے گئے ہیں۔ اس سلسلے میں جاری اعلامیہ کے مطابق ان تمام افسران اور اہلکاروں کو فوری طور پر اپنے اپنے محکموں اور اداروں کو رپورٹ کرنے کی ہدایت کی گئی ہے۔

پی آئی اے میں وسیع پیمانے پر ری سٹرکچرنگ اور انتظامی اصلاحات کا یہ پہلا موقع ہے جسکا مقصد پی آئی اے کو جدید کمرشل بنیادوں پر استوار کر کے ایک منافع بخش اور کامیاب ائیر لائن بنانا ہے۔ واضح رہے کہ وزیر اعظم کے مشیر برائے ہوابازی سردار مہتاب احمد خان اس عز م کا اظہار کر چکے ہیں کہ پی آئی اے میں پیشہ وارانہ معیار، بہترین خدمات کی فراہمی اور پروازوں کی سیفٹی پر کوئی سمجھوتہ نہیں کیا جائے گا۔ جبکہ پی آئی اے کی ری سٹرکچرنگ اور اصلاحات پر عمل درآمد کے حوالے سے وزیر اعظم کے مشیر برائے ہوابازی سردار مہتاب احمد خان پی آئی اے کے اہلکاروں اور پیشہ وارانہ تنظیموں کے تعاون پر خیر مقدم کر چکے ہیں ۔

Facebook Twitter Google + Share on Whatsapp

پی آئی اے کو خسارے سے نکالنے اور منافع بخش ادارہ بنانے کے لیے ری سٹرکچرنگ اور انتظامی اصلاحات کا آغاز

جرمن نژاد قائم مقام چیف ایگزیکٹو آفیسر ہلڈن برنڈکو جبر ی رخصت پر بھیج دیا گیا ڈیپوٹیشن پر آنیوالے افسران اور اہلکاروں کو بھی انکے اداروں میں واپس بھیج دیا گیا

جمعہ 7 اپریل 2017 کی مزید خبریں