ٹیلکم پاؤڈر سے کینسر ہوا، جانسن اینڈ جانسن کو گیارہ کروڑ جرمانہ

کمپنی کافیصلے کے خلاف اپیل کرنے کا اعلان،پاؤڈر کے محفوظ ہونے کا دفاع کرتے ہیں،جانسن اینڈ جانسن

ہفتہ 6 مئی 2017 12:22

واشنگٹن(اُردو پوائنٹ اخبار آن لائن۔ اتوار 7 مئی 2017ء)ادویات بنانے والی کمپنی جانسن اینڈ جانسن کو ایک امریکی عدالت نے حکم دیا ہے کہ وہ ایک خاتون کو گیارہ کروڑ جرمانہ ادا کرے۔خاتون کا دعویٰ ہے کہ جانسن اینڈ جانسن کا ٹیلکم پاؤڈر استعمال کرنے سے انھیں کینسر ہوگیا۔میڈیارپورٹس کے مطابق وکیلِ استغاثہ کا کہنا تھا کہ جانسن اینڈ جانسن نے اپنے صارفین کو کینسر کے ممکنہ خطرات کے بارے میں صحیح سے تنبیہ نہیں کی تھی۔

ماہرین کا کہنا تھا کہ ٹیلکم پاؤڈر کے کینسر سے منسلک ہونے کا ثبوت نہیں ہے۔ جانسن اینڈ جانسن کا کہنا ہے کہ وہ عدالتی حکم کے خلاف اپیل کریں گے۔ شہر سینٹ لوئس میں دیے جانے والے اس عدالتی حکم نامے میں متعین کی گئی جرمانے کی رقم جانسن اینڈ جانسن کے خلاف ٹیلکم پاؤڈرز کے حوالے سے 2400 کیسز میں سب سے زیادہ ہے۔

(جاری ہے)

وئیس سلیمپ کا پہلی بار 2012 میں کینسر تشخیص کیا گیا تھا۔

اس وقت وہ ان کے جگر تک پہنچ چکا ہے اور اس وقت کیمو تھراپی کروا رہی ہیں۔ان کا کہنا تھا کہ انھوں نے جانسن اینڈ جانسن کا بیبی پاؤڈر اور شاور ٹو شاور پاؤڈر استعمال کیا۔ ان کے وکیل کا کہنا تھا کہ ایک دفعہ پھر ہم نے یہ ثابت کیا ہے کہ یہ کمپنیاں سائنس کو نظر انداز کرتے ہوئے امریکہ کی خواتین کے حوالے سے اپنی ذمہ داریوں سے انکار کرتے ہیں۔کمپنی نے ایک بیان میں کہا کہ وہ اس فیصلے کے خلاف اپیل کریں گ،’ہم مزید تحقیق کی تیاری کر رہے ہیں اور ہم جانسن اینڈ جانسن بیبی پاؤڈر کے محفوظ ہونے کا دفاع کرتے ہیں۔