ایس ایس پی آپریشنزنے وفاقی پولیس کو دنیا کی بہترین پولیس قراردیدیا ، اسلام آباد میں جرائم کی شرح امریکہ کے

دارالحکومت واشنگٹن سے کم ہے ،ایس ایس پی ساجد کیانی کادعویٰ

ہفتہ 6 مئی 2017 21:57

اسلام آباد (اُردو پوائنٹ اخبار آن لائن۔ اتوار 7 مئی 2017ء) ایس ایس پی آپریشنز ساجد کیانی نے وفاقی پولیس کو دنیا کی بہترین پولیس قراردیدیا ، انہوں نے دعویٰ کیا کہ اسلام آباد میں جرائم کی شرح امریکہ کے دارالحکومت واشنگٹن سے کم ہے ،گزشتہ برس واشنگٹن سے 2400 گاڑیاں چوری ہوئیں جب کہ اسلام آباد سے 250 گاڑیاں چوری ہوئیں ۔

وہ ہفتہ کو سی آئی اے ہیڈ کورٹر میں پریس کانفرنس کر رہے تھے۔

(جاری ہے)

انہوں نے کہا کہ دوران ایس ایس پی ساجد کیانی نے اسلام آباد کے جرائم کی شرح کا امریکہ کے دارالحکومت واشنگٹن سے موازنہ کرتے ہوئے بتایا کہ گزشتہ برس واشنگٹن ڈی سی جو اسلام آباد سے کم آبادی والا شہر ہے سے 2400 گاڑیاں چوری ہوئیں جب کہ اسلام آباد سے اس عرصے میں 250 گاڑیاں چوری ہوئیں ۔واشنگٹن میں گزشتہ برس گاڑیوں کی شیشے توڑ کر قیمتی اشیاء چوری کرنے کے دس ہزار سے زائد واقعات ہوئے جب کہ اسلام آباد میں صرف دس سے پندرہ واقعات ہوئے ۔ …(م د +آچ)