بحرین میں منسوخ شدہ آرڈر کھانے پر ڈلیوری رائیڈر کی نوکری چلی گئی

منامہ ( اُردو پوائنٹ اخبارتازہ ترین ۔ 02 اگست 2023ء ) خلیجی ملک بحرین میں منسوخ شدہ آرڈر کا کھانا کھانے پر ڈلیوری رائیڈر کو معطل کردیا گیا۔ الجزیرہ نیوز کے مطابق فوڈ ڈیلیوری ڈرائیور کو بظاہر منسوخ شدہ آرڈر کا کھانا کھانے کی ویڈیو ٹوئیٹر وائرل ہونے کے بعد نوکری سے فارغ کردیا گیا، ویڈیو میں ڈرائیور کو سڑک کے کنارے طلبات ڈلیوری سروس کے لیے اپنی موٹر سائیکل کے ساتھ دیکھا گیا جب وہ ڈلیوری کیریج کھولنے اور کھانا کھانے کے لیے آگے بڑھا۔

جب اس واقعے کے بارے میں دریافت کرنے کے لیے ڈیلیوری کمپنی سے رابطہ کیا تو طلبات نے کہا کہ یہ کلپ بحرین میں لیا گیا اور ڈرائیور کو سزا دی گئی تھی، کمپنی کی جانب سے ایک بیان میں کہا گیا کہ ہمیں حال ہی میں ایک ویڈیو کے بارے میں معلوم ہوا ہے جس میں ایک سوار کو خراب طریقے سے آرڈر ہینڈل کرتے ہوئے دکھایا گیا ہے، جو کہ ہماری صحت اور حفاظت کی پالیسیوں کے خلاف ہے۔

(جاری ہے)

کمپنی کا کہنا ہے کہ اگرچہ اس کی تصدیق منسوخ شدہ آرڈر کے طور پر کی گئی ہے، تاہم سوار کو فوری طور پر معطل کر دیا گیا ہے اور مزید تحقیقات زیر التواء ہیں، ہم اس طرح کے رویے کو بہت سنجیدگی سے لیتے ہیں اور تمام لاجسٹک شراکت داروں اور سواروں کو ہماری صحت اور حفاظت کے رہنما خطوط پر عمل کرنے کے لیے ایک ایڈوائزری بھی بھیجی گئی ہے۔ بتایا گیا ہے کہ جیسے ہی ڈرائیور کی معطلی کی خبر سوشل میڈیا پر پھیلی، اس واقعے نے خلیج میں مزدوروں کے حقوق اور تارکین وطن مزدوروں کے ساتھ سلوک پر تنقید کے ارد گرد ایک شدید بحث کو پھر سے جنم دیا، صارفین نے ڈیلیوری کمپنی پر جوابی حملہ کیا، ڈیلیوری ڈرائیور کے لیے اپنی حمایت کا اظہار کرتے ہوئے کہا کہ اسے اس واقعے پر معطل نہیں کیا جانا چاہیے تھا۔

سعودی عرب میں ایک سوشل میڈیا صارف نے ڈرائیور کو اپنی کمپنی میں نوکری کی پیشکش کی اور کہا کہ محترم طلبات ڈرائیور مجھے یقین ہے کہ آپ آرڈر کینسل ہونے کی وجہ سے کھانا کھا رہے تھے اور میں نے سنا ہے کہ آپ پر کام کرنے پر پابندی لگا دی گئی ہے، تاہم براہ کرم مجھے سعودی عرب میں نوکری کے لیے ڈائریکٹ میسج کریں۔