بحرین نے پام جمیرہ جیسے منصوبے کی تعمیر کا آغاز کردیا

بحرین مرینا پروجیکٹ رہائش، خریداری، خوبصورت ساحلوں کا ایک انوکھا امتزاج پیش کرے گا

ساجد علی بدھ 13 ستمبر 2023 14:27

منامہ ( اُردو پوائنٹ اخبارتازہ ترین ۔ 13 ستمبر 2023ء ) خلیجی ملک بحرین نے پام جمیرہ جیسے منصوبے کی تعمیر کا آغاز کردیا، پروجیکٹ میں کل 274 رہائشی یونٹس کے ساتھ 192 ریٹیل آؤٹ لیٹس کے علاوہ ہوٹل بھی ہوں گے۔ عالمی میڈیا کے مطابق بحرین مرینا ڈیولپمنٹ کمپنی نے اعلان کیا ہے کہ منامہ کی مشرقی ساحلی پٹی پر واقع اس کے 200 ملین دینار (525 ملین ڈالر) کے مخلوط استعمال کے منصوبے پر کام شروع ہو گیا ہے، 2 لاکھ 56 ہزار سکوائر میٹر رقبے پر پھیلا ہوا بحرین مرینا پروجیکٹ رہائش، خریداری، خوبصورت ساحلوں اور پانی کے کھیلوں کی متنوع سرگرمیوں کا انوکھا امتزاج پیش کرے گا، منصوبے میں کل 274 رہائشی یونٹس کے ساتھ 68 ہزار 637 سکوائر میٹر کا ہوٹل تعمیر ہوگا، جس میں 304 کمرے ہوں گے، اس کے علاوہ یہ پروجیکٹ 192 ریٹیل آؤٹ لیٹس بھی پیش کرے گا، مرینا میں 1 ہزار 769 زیر زمین پارکنگ کی جگہیں ہوں گی اور ساتھ ہی کشتیوں کے لیے 235 پوائنٹ ہوں گے۔

(جاری ہے)

بتایا گیا ہے کہ نیس کارپوریشن کی ذیلی کمپنی نیس کنٹریکٹنگ کو محمد صلاح الدین انجینئرز اینڈ آرکیٹیکٹس (MSCEB) کے ساتھ پروجیکٹ کی تعمیر کے ذمہ دار پرنسپل ٹھیکیدار کے طور پر سائن اپ کیا گیا ہے جو پروجیکٹ کے افتتاحی مرحلے کی تعمیر کی نگرانی کرے گا، اس معاہدے پر بحرین مرینا ڈیولپمنٹ کمپنی کے ہیڈ کوارٹر میں بورڈ آف ڈائریکٹرز کے چیئرمین خالد محمد یوسف نجیبی اور مینیجنگ ڈائریکٹر یوسف التھوادی کے ساتھ ساتھ ناس کنٹریکٹنگ آفیشلز کے چیئرمین سمیر نیس اور نیس کارپوریشن کے سی ای او انجینئر شوقی الہاشمی کی موجودگی میں دستخط کیے گئے، ایم ایس سی ای بی کی نمائندگی چیئرمین محمد صلاح الدین اور سی ای او ثمر صلاح الدین کے ساتھ تمام شریک اداروں کے کئی سینئر عہدیداروں نے کی۔

معلوم ہوا ہے کہ بحرین مرینا کا ماسٹر پلان بینوئے نے ڈیزائن کیا تھا، جو کہ فن تعمیر اور ماسٹر پلاننگ کے عالمی رہنما ہیں، اس منصوبے کا مقصد سیاحت کے شعبے کو مضبوط بنانا، قومی سیاحت کی حکمت عملی کے اہم اہداف کے ساتھ ہم آہنگ کرنا اور عالمی سیاحتی مرکز کے طور پر اپنے قد کو مضبوط کرنا ہے، یہ ملکی معیشت میں سیاحت کی شراکت کو بڑھاتا ہے اور طے شدہ معاہدے پراجیکٹ کی تعمیر کے لیے ایک اہم آغاز کی نشاندہی کرتے ہیں۔

بحرین مرینا ڈیولپمنٹ کمپنی کے ہیڈ کوارٹر میں بورڈ آف ڈائریکٹرز کے چیئرمین خالد محمد یوسف نجیبی کا کہنا ہے کہ "منصوبے کا اجتماعی مقصد اس ساحلی علاقے کو دارالحکومت منامہ میں ایک بے مثال سیاحتی، تجارتی اور رہائشی انکلیو میں تبدیل کرنا ہے، یہ ترقی زندگی گزارنے، خریداری، خوبصورت ساحلوں اور پانی کے کھیلوں کی متنوع سرگرمیوں کا ایک انوکھا امتزاج پیش کرے گی"۔

انہوں نے مزید کہا کہ " یہ پروجیکٹ مرینا کلب کی عمارت، ایک کمرشل کمپلیکس، ریسٹورنٹ اور ایک کثیر منزلہ ٹاور پر مشتمل ہے جس میں سمندر کے نظارے والے پرتعیش اپارٹمنٹس ہیں، اس منصوبے کو نافذ کرنے والی کمپنیوں کی اعلیٰ صلاحیتیں بحرین مرینا کی ترقی، دارالحکومت منامہ کے لیے واٹر فرنٹ کے وسیع منصوبے کا ایک لازمی عنصر ہے اور اس میں خاطر خواہ حصہ ڈالنے کے لیے تیار ہے"۔

خالد محمد یوسف نجیبی کہتے ہیں کہ "ان شراکتوں میں قومی معیشت کو تقویت دینا، اس کی ترقی کی رفتار سے ہم آہنگ کرنا، روزگار کے مواقع پیدا کرنا اور سیاحت و تجارتی شعبوں کی ترقی کو فروغ دینا شامل ہے، یہ 2022ء سے 2026ء کے لیے سیاحت کی حکمت عملی میں بیان کردہ وسیع تر اہداف کے ساتھ مطابقت رکھتا ہے، بحرین مرینا سرمایہ کاری کے امید افزا منصوبوں میں سے ایک ہے جو اپنے سرمایہ کاروں کے لیے پرکشش منافع فراہم کرے گا، یہ کامرس، سیاحت اور سرمایہ کاری سمیت مختلف شعبوں میں مقامی ہنر مندوں کے لیے براہ راست اور بالواسطہ ملازمت کے مواقع پیدا کرنے کے لیے تیار ہے"۔

اس موقع پر نیس نے بحرین مرینا ڈیولپمنٹ کمپنی کے ساتھ تعاون پر خوشی کا اظہار کیا، اس نمایاں سیاحتی مقام کے لیے تعمیراتی کاموں کو انجام دینے میں اپنے وسیع تجربے سے فائدہ اٹھایا، ان کا کہنا ہے کہ "یہ منصوبہ مملکت میں ایک اہم اضافہ کی نمائندگی کرتا ہے اور ایک بے مثال جامع توسیع کا آغاز کرے گا، یہ بحرین کے بڑے ترقیاتی منصوبوں اور مقاصد کے ساتھ مطابقت رکھتا ہے، جو اہم سیاحتی و تجارتی پرکشش مقامات فراہم کرنے کے لیے جاری کوششوں کے ذریعے کارفرما ہے، اس طرح کی کوششیں، علاقائی اور عالمی پیمانے پر اس کی مسابقت میں اضافہ کرتے ہوئے قومی معیشت کی ترقی اور فروغ میں معاون ثابت ہوتی ہیں۔

جب کہ ایم ایس سی ای بی کی نمائندگی چیئرمین محمد صلاح الدین نے اپنے تجربے کو بروئے کار لانے کے لیے گروپ کے عزم کی تصدیق کی، انہوں نے کہا کہ "ہم اس بات کو یقینی بنانے کے لیے انجینئرنگ کی اعلیٰ ترین خصوصیات اور معیارات پر عمل کریں گے کہ یہ وسیع اور اہم منصوبہ مملکت بحرین کے اندر ایک ممتاز ثقافتی اور سیاحتی مقام بن جائے"۔