لیگی رہنما محسن کورائی کا عدم اعتماد میں شہباز شریف کی کامیابی پر بیل قربان کرنے کا اعلان

عمران خان نے غریب عوام کا جینا حرام کررکھاہے آئے روز مہنگائی سے ہم پریشان ہیں،بیان

ہفتہ 2 اپریل 2022 23:51

ڈیرہ غازی خان (اُردو پوائنٹ اخبارتازہ ترین - آن لائن۔ 02 اپریل2022ء) مسلم لیگ (ن )کے رہنما محسن کورائی نے عدم اعتماد میں شہباز شریف کی کامیابی پر بیل قربان کرنے کا اعلان کرتے ہوئے کہا ہے کہ عمران خان نے غریب عوام کا جینا حرام کررکھاہے آئے روز مہنگائی سے ہم پریشان ہیں ان خیالات کا اظہار لیگی رہنما محسن کورائی نے اپنے ایک بیان میں کیا انہوں نیکہا پاکستانی قوم عمران خان کی حکومت سے پریشان ہے سابقہ تین سالوں میں حکمرانوں نے عمران خان کی قیادت میں کچھ نہیں کیا صرف ہی صرف انتقامی سیاست کو ترجیح دی اور غریب عوام کے منہ سے نوالہ تک چھین لیا انشاء اللہ اتوار کو عمران خان کے خلاف تحریک عدم اعتماد میں کامیاب ہوکر میاں شہباز شریف کو ملک کا وزیراعظم پاکستان بنتے ہی ملک ترقی کی جانب رواں دواں ہو جائے گا انہوں نے کہا ایک بیل خریدا ہے جو شہبازشریف کے وزیراعظم پاکستان بننے پر اللہ کا شکر ادا کرتے ہوئے قربان کیا جائے گا ۔