ملک کے بالائی علاقوں میں تیز بارش کے باعث لینڈ سلائیڈنگ اور فصلوں کو نقصان پہنچنے کا خدشہ

اسلام آباد (اُردو پوائنٹ اخبارتازہ ترین - اے پی پی۔ 28 مارچ2024ء) آئندہ دو روز کے دوران ملک کے بالائی علاقوں میں تیز بارش کے باعث لینڈ سلائیڈنگ اور آندھی/جھکڑ / ژالہ باری/گرج چمک اور تیز بار ش کے باعث کھڑی فصلوں اور کمزور انفرا سٹرکچر کو نقصان پہنچنے کا اندیشہ ہے ۔سیاحوں اور کسانوں کو آندھی/بارش کے دوران محتاط رہنے کی ہدایت گئی ہے۔ محکمہ موسمیات کے مطابق جمعہ کے روز خیبر پختونخوا، گلگت بلتستان، کشمیر ، پنجاب، اسلام آباد اور شمالی بلوچستان میں جمعہ کو آندھی/جھکڑ اور گرج چمک کے ساتھ بارش اور پہاڑوں پر برف باری کا امکان ہے۔

اس دوران بالائی خیبر پختونحوا اور کشمیر میں چند مقامات پر مو سلادھار بارش کی توقع ہے جبکہ ملک کے جنوبی علاقوں میں آندھی /جھکڑ چلنے کی توقع ہے۔

(جاری ہے)

گذشتہ 24 گھنٹوں کے دوران خیبرپختونخوا، شمالی بلوچستان، بالائی/وسطی پنجاب، کشمیر اور گلگت بلتستان میں تیز ہوائوں اورگرج چمک کے ساتھ بارش ہوئی۔ملک کے دیگر علاقوں میں مطلع جزوی ابر آلود رہا۔

سب سے زیادہ بارش خیبرپختونخوا میں پاراچنار 13،ڈیرہ اسماعیل خان (ایئر پورٹ 11، سٹی 09)، دیر (بالائی 11، زیریں 02)، بنوں 08، چراٹ، چترال 07، باچا خان ایئرپورٹ 05، پشاور (ایئرپورٹ 05، سٹی 04)، دروش، میرکھانی 03،مالم جبہ، پٹن، مردان 02 ، سیدو شریف 01،بلوچستان میں ژوب 10،سبی 06، کوئٹہ (شہر، سمنگلی 02)، بارکھان 02، پنجاب میں چکوال 09، بھکر 08، کروڑ( لیہ)05، راولپنڈی (چکلالہ، شمس آباد01)، اسلام آباد (زیرو پوائنٹ ، بوکرا 01)،مری 04، اٹک، جہلم، جوہر آباد، منگلہ ، جھنگ02، نور پور تھل، سرگودھا 01، کشمیر میں راولاکوٹ06، گڑھی دوپٹہ 01، مظفر آباد(سٹی، ایئر پورٹ 01)،گلگت بلتستان میں استور 05، بگروٹ، 02، گلگت اور گوپس میں 01 ملی میٹر بارش ریکارڈ ہوئی۔

اس دوران ملک میں زیادہ سے زیادہ درجہ حرارت مٹھی 40 اور چھور 38ڈگری سینٹی گریڈ ریکارڈ کیا گیا۔