انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی اداروں کے اہل اور خواہشمند ریگولر امیدواروں کو ایک اور موقع دیتے ہوئے امتحانی فارمز جمع کروانے کیلئے بروز پیر 15 اپریل 2024ء سے نئی تاریخوں کا اعلان کردیا، اعلیٰ ثانوی تعلیمی بورڈ کراچی

کراچی (اُردو پوائنٹ اخبارتازہ ترین - آن لائن۔ 09 اپریل2024ء) اعلیٰ ثانوی تعلیمی بورڈ کراچی نے طلباء کے وسیع تر مفاد میں انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی اداروں کے اہل اور خواہشمند ریگولر امیدواروں کو ایک اور موقع دیتے ہوئے امتحانی فارمز جمع کروانے کیلئے بروز پیر 15 اپریل 2024ء سے نئی تاریخوں کا اعلان کردیا ہے۔

امتحانی فارمز انٹربورڈ کراچی کی آفیشل ویب سائٹ [email protected] سے ڈاؤن لوڈ کیے جاسکتے ہیں۔تفصیلات کے مطابق سائنس پری میڈیکل، پری انجینئرنگ، سائنس جنرل، ہوم اکنامکس گروپس کے سالانہ امتحانات برائے 2024ء میں شرکت کے اہل گورنمنٹ کالجوں اور ہائر سیکنڈری اسکولوں کے ریگولر امیدوار اپنے امتحانی فارم بروز پیر 15 اپریل سے بروز جمعہ 19 اپریل 2024ء تک اپنے تعلیمی اداروں میں جمع کرواسکتے ہیں۔

(جاری ہے)

کالجز اور ہائیرسیکنڈری اسکولز یہ امتحانی فارمز لازمی طور پر بروز پیر 22اپریل 2024ء تک اپنے نمائندوں کے ذریعہ بورڈ آفس میں جمع کروانے کے پابند ہوں گے جبکہ جمع کروائے جانے والے امتحانی فارمز کی مکمل فہرست بھی تعلیمی اداروں کے سربراہ کے دستخط کے ساتھ جمع کروانا ہوں گی۔ رواں سال بھی وزیراعلیٰ سندھ کی ہدایت کے مطابق تمام گورنمنٹ کالجز اور ہائر سیکنڈری اسکولوں کے ایسے طلبائکی امتحانی فیس معاف کردی گئی ہے جو پہلی دفعہ انٹرمیڈیٹ حصہ دوم کے امتحانات میں شرکت کررہے ہیں، گورنمنٹ تعلیمی اداروں کے طلبائ بغیر کسی فیس کے امتحانی فارمز اپنے تعلیمی اداروں میں جمع کرواسکتے ہیں۔

اسی طرح انٹرمیڈیٹ حصہ دوم اور حصہ اول و دوم باہم کے سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سالانہ امتحانات برائے 2024ئ میں شرکت کے اہل گورنمنٹ کالجوں اور ہائر سیکنڈری اسکولوں کے ایسے ریگولر امیدوار جوپہلے ان امتحانات میں شریک ہوئے لیکن ناکام رہے اپنے امتحانی فارم بروز پیر 15اپریل سے بروز بدھ 24اپریل 2024ء تک ایک ہزار روپے لیٹ فیس کے ساتھ اپنے تعلیمی اداروں میں جمع کرواسکتے ہیں۔

کالجز اور ہائیرسیکنڈری اسکولز یہ امتحانی فارم اور فیسوں کے پے آرڈرز بروز جمعہ 26اپریل 2024ء تک اپنے نمائندوں کے ذریعہ بورڈ آفس کے اکاؤنٹس سیکشن میں جمع کروانے کے پابند ہوں گے جبکہ جمع کروائے جانے والے امتحانی فارمز کی مکمل فہرست بھی تعلیمی اداروں کے سربراہ کے دستخط کے ساتھ جمع کروانا ہوں گی۔#