سی ڈی اے نے اسلام آباد میں بین الاقوامی معیار کے فٹبال سٹیڈیم کی تعمیر کی منظوری دیدی

لاہور (اردو پوائنٹ تازہ ترین اخبار ۔ 13 اپریل 2023ء ) کیپٹل ڈویلپمنٹ اتھارٹی (سی ڈی اے) نے ایک اعلیٰ سطحی اجلاس میں وفاقی دارالحکومت اسلام آباد میں بین الاقوامی معیار کے فٹ بال سٹیڈیم کی تعمیر کی منظوری دی۔ سال کا چھٹا بورڈ اجلاس سی ڈی اے کے چیئرمین کیپٹن (ر) نور الامین مینگل کی زیر صدارت سی ڈی اے ہیڈ کوارٹر میں منعقد ہوا۔ اہلکار کے مطابق اتھارٹی نے متعدد عظیم الشان منصوبوں کی منظوری دی ہے، جن میں ایک جدید ترین فٹ بال سٹیڈیم اور اسلام آباد بس ٹرمینل کی تعمیر شامل ہے۔

اس سے قبل میڈیا میں یہ خبر سامنے آئی تھی کہ وفاقی دارالحکومت میں کرکٹ اور فٹ بال سٹیڈیم کی تعمیر بورڈ کے اجلاس کے ایجنڈے میں اہم نکتہ ہے۔ یہ بھی بتایا گیا کہ موٹر وے (MI) اور کُری کے قریب 20 ایکڑ رقبے پر مشتمل دو وسیع سائٹس ان کھیلوں کے میدانوں کے لیے تجویز کی گئی تھیں۔

(جاری ہے)

یہ بات قابل غور ہے کہ سی ڈی اے نے اس سے قبل پاکستان کرکٹ بورڈ (پی سی بی) کے ساتھ 2012ء میں ہائی ٹیک کرکٹ اسٹیڈیم کی تعمیر کے لیے تعاون کیا تھا۔

اس منصوبے کو 2018ء میں اس وقت دھچکا لگا جب سپریم کورٹ نے مداخلت کی اور شکرپڑیاں میں جگہ کو ختم کر دیا، کیونکہ یہ نیشنل پارک کے علاقے کی حدود میں آتا تھا۔ 2021ء میں اس وقت کے وزیراعظم اور سابق ٹیسٹ کرکٹر عمران خان نے پی سی بی کے سابق چیئرمین احسان مانی کو وفاقی دارالحکومت میں جدید ترین کرکٹ سٹیڈیم تعمیر کرنے کی ہدایت کی۔