شپنگ ایجنٹس کو حکومتی دائرہ کار میں لانے کیلئے باقاعدہ قانون سازی کی جائے گی

کراچی ۔ (اُردو پوائنٹ اخبارتازہ ترین - اے پی پی۔ 03 نومبر2017ء) شپنگ ایجنٹس کو حکومتی دائرہ کار میں لانے کیلئے باقاعدہ قانون سازی کی جائے گی اس سلسلے میں ڈائریکٹر جنرل پورٹ اینڈ شپنگ کے ساتھ مشاورت کی جائی گی تاکہ کسٹم کلیئرنگ ایجنٹس کے مسائل بروقت حل ہوسکیں۔ ان خیالات کا اظہار کلیکٹرکسٹم اپیز منٹ ویسٹ مس شہناز مقبول نے فیڈریشن ہائوس میں آل پاکستان کسٹم کلیئرنگ ایجنٹس ایسوسی ایشن کے ساتھ مشاورتی اجلاس سے خطاب کرتے ہوئے کیا۔

اس موقع پر ایف پی سی سی آئی کے نائب صدر ثاقب فیاض مگون ،مرزا اشتیاق بیگ،چیئرمین ایپکاقمرعالم و دیگر بھی موجود تھے۔کلیکٹر کسٹم اپیز منٹ ویسٹ مس شہناز مقبول کا کہنا ہے کہ کنسائمنٹس کی بروقت جانچ پرتال کیلئے کسٹم ہائوس میں اسٹیٹ آف آرٹ لیب قائم کرنے کیلئے کام کیا جارہا ہے، کسٹم کلیئرنگ ایجنٹس کے لائسنس جلد ری نیو کردیئے جائیں گے ۔

(جاری ہے)

ہمارے کلیکریٹ میں سب سے زیادہ گڈز ڈیکلریشن فائل ہوتے ہیں ایک دن میں 70فیصد کنسائمنٹس کلیئر کررہے ہیں ۔ انہوں نے مزید کہا کہ اسسمنٹ سائیکل کو اپ گریڈ کرنے کی کوشش جاری ہے ۔کراچی کنٹینر ٹرمینل کا بلک لوڈ 700کنٹینر پیچھے جارہا تھا اب اس میں خاطر خواہ کمی آئی ہے ۔پروسیجر کو تیز کرنے کیلئے کافی چیزوں کو پروسیس سے نکال دیا ہے اور اس وقت گرین چینل کی کلیئرنس 50فیصد سے زائد ہوگئی ہے ۔

پاکستان اسٹینڈرڈ کوالٹی کنٹرول اتھارٹی ،PCSIR،HEJکے ساتھ ماڈل طے کرلیا ہے ان کو آئی ڈی اور پاس ورڈ دیئے جارہے ہیں کسٹم ایجنٹس کے مسائل حل کرنے کیلئے نیشنل بینک کے ساتھ مزید برانچز بڑھانے کیلئے بات چیت جاری ہے ۔چیئرمین سپریم کونسل آل پاکستان کسٹم کلیئرنگ ایجنٹس ارشد جمال نے کہا کہ سلیف کلیئرنس کی وجہ سے بے حد مسائل پید ا ہوئے جسکی وجہ سے بروقت جی ڈی فائل نہ ہوسکیں ۔

کرپشن کو روکنے کیلئے پروسیس کو مزید کم کرنا ضروری ہے فارن ٹریڈ ایگری منٹ کو ویری فائی کرنے میں گھنٹوں ضائع ہوجاتے ہیں نئے پروسیس کی بدولت فائلنگ سے پہلے ایف ٹی اے سرٹیفکیٹ ویر ی فائی ہوجائیں گے جس کے بعد جی ڈی فائل کرنے میں آسانی ہوگی ۔پی ڈی اکائونٹ پر لوگ ری لائی نہیں کررہے ریگولیٹری ڈیوٹی پر فنانس منسٹری نے تعاون نہیں کیا 735آئٹم پر ریگولیٹری ڈیوٹی لگانے کی باتیں غلط ہیں ایف بی آر نے اس کیلئے باقاعدہ مسودہ مانگا ہے ۔