ْاوپن یونیورسٹی اور چیمبر آف کامرس طلبہ کو چھوٹے سطح پر کاروبار میں معاونت فراہم کریں گے

اسلام آباد (اُردو پوائنٹ اخبارتازہ ترین - این این آئی۔ 15 نومبر2017ء) علامہ اقبال اوپن یونیورسٹی میں اسلام آباد اور راولپنڈی چیمبر آف کامرس اینڈ انڈسٹری کے اشتراک عمل سے دو روزہ"سٹارٹ اپس کیرئیر ایکسپو شروع ہوگئی ہے ،ْ ایکسپو میں مختلف جامعات کے 700سے زائد گریجویٹ طلبہ شریک ہیں اور تحقیق کی بنیاد پر طلبہ کے تیار کردہ 100سے زائد پراجیکٹس نمائش میں رکھے گئے ہیں یہ نمائش آج )جمعرات 16۔

نومبر(کو بھی جاری رہے گی۔ افتتاحی تقریب کے مہمان خصوصی ہائر ایجوکیشن کمیشن کے ایگزیکٹو ڈائریکٹر پروفیسر ڈاکٹر ارشد علی خان تھے جبکہ وائس چانسلر ،ْ پروفیسر ڈاکٹر شاہد صدیقی نے صدارت کی۔ راولپنڈی چیمبر آف کامرس اینڈ انڈسٹری کے صدر زاہد لطیف خان اور اوپن یونیورسٹی کے آفس آف ریسرچ اینڈ انوویشن کی ڈائریکٹر ،ْ پروفیسر ڈاکٹر نغمانہ رشید میزبانوں میں شامل تھے۔

(جاری ہے)

تقریب سے خطاب کرتے ہوئے ڈاکٹر شاہد صدیقی نے کہا کہ معاشرے کے لئے طلبہ کے تیار کردہ کارآمدپراجکیٹس کی کمرشلائزیشن کے لئے بہت جلد ایک جامعمیکینیزم تیارکیا جائے گا اور مستقل بنیادوں پر ہر سال سٹوڈنٹ کیرئیر ایکسپو منعقد کی جائے گی۔انہوں نے کہا کہ علوم دریافت کرنے ،ْ معیار زندگی بہتر بنانے اور معاشرے کی تعمیر و ترقی کا انحصار ریسرچ پر ہے اس لئے ہم نے ریسرچ کلچر کے فروغ پر خصوصی توجہ مرکوز رکھی ہے۔

انہوں نے کہا کہ تین سال میں اوپن یونیورسٹی کو تحقیق کا متحرک ترین مرکز بنادیا ہے اور یہ ملک کی واحد یونیورسٹی ہے جو 14مختلف موضوعات پر 14ریسرچ جرنل شائع کررہی ہے اس سال کے آخر تک یہ تعداد 17ہوجائے گی۔جڑواں شہروں کے نوجوان طلبہ و طالبات نے اس تعلیمی ایکسپو میں غیر معمولی لچسپی کا مظاہرہ کیا اورطلبہ کے تیار کردہ پراجکیٹس دیکھنے پر طلبہ کا رش قابل دید تھا۔

ہائر ایجوکیشن کمیشن کے ایگزیکٹو ڈائریکٹر پروفیسر ڈاکٹر ارشد علی خان افتتاحی تقریب کے مہمان خصوصی تھے۔ تقریب سے خطاب کرتے ہوئے انہوں نے کہا کہ ہمارے لئے یہ نا قابل یقین تھا کہ فاصلاتی نظام تعلیم کی حامل یونیورسٹی اِس طرح کی تقریب منعقد کرسکتی ہے لیکن ڈاکٹر شاہد صدیقی نے یہ ممکن کردکھایا جس پر وہ مبارکباد کے مستحق ہیں۔انہوں نے کہا کہ ایچ ای سی گریجویٹ طلبہ کے مستفقبل کی منصوبہ بندی پر خصوصی توجہ دے رہاہے اور اس کام میں تعلیمی اداروں کی حوصلہ افزائی کرتا ہے۔

اس موقع پر ڈاکٹر ارشد علی خان نے اعلان کیا کہ صنعتی شعبے اور گریجویٹ طلبہ کے مابین روابط مضبوط بنانے کے لئے ایچ ای سی سرگرمیوں میں توسیع کرے گا۔ انہوں نے گریجویٹ طلبہ کو تحقیق کی بنیاد پر تیارکردہ پراجکٹس کی نمائش کے لئے پلیٹ فارم کی فراہمی کے وائس چانسلر ،ْ پروفیسر ڈاکٹر شاہد صدیقی کے ویژن کو شاندار الفاظ میں سراہا۔انہوں نے امید ظاہر کی کہ طلبہ اس موقع سے فائدہ اٹھاکر چھوٹے سطح پر کاروبار شروع کریں گے۔

راولپنڈی چیمبر آف کامرس اینڈ انڈسٹری کے صدر ،ْ زاہد لطیف خان نے کہا کہچیمبر آف کامرس نوجوان طلبہ کے مستقبل کی منصوبہ سازی میں اوپن یونیورسٹی کا مضبوط پارٹنر ہوگا ۔ انہوں نے کہا کہ کاروبار کا فروغ چیمبر آف کامرس کا بنیادی مشن ہے اور طلبہ کو چھوٹے سطح پر کاروبار شروع کرنے میں چیمبر آف کامرس کا بھر پور سپورٹ حاصل ہوگا۔