فیصل بینک لمیٹڈ کا آٹو کیش کے نام سے آسان اقساط پر اداکئے جانے والا پرسنل لون شروع کرنے کا اعلان

فیصل بینک لمیٹڈ کا آٹو کیش کے نام سے آسان اقساط پر اداکئے جانے والا ..
اسلام آباد ۔ (اُردو پوائنٹ اخبارتازہ ترین۔ 11 اکتوبر2018ء)فیصل بینک لمیٹڈ نے صارفین کو جدید مالیاتی مصنوعات متعارف کرانے کیلئے آٹو کیش شروع کرنے کا اعلان کیا ہے۔ جاری بیان کے مطابق فیصل آٹو کیش آسان اقساط پر اداکئے جانے والا پرسنل لون ہے، اس پروڈکٹ کے ذریعے صارفین اپنی گاڑیوں کے اوپر آسان اقساط پر قرضے حاصل کر سکیں گے تاکہ اپنی مالی ضروریات پوری کر سکیں۔

اس پروڈکٹ کو 12 سے 60 ماہ تک کے آسان شیڈول پر مناسب ریٹ پر جاری کیا جائے گا۔

(جاری ہے)

اس موقع پر ریٹیل بینکنگ کے سربراہ طاہر یعقوب بھٹی نے کہا فیصل آٹو کیش ہماری مصنوعات میں منفرد اضافہ ہے اور میں مکمل اعتماد سے کہوں گا کہ اس پروڈکٹ سے صارفین کو بھرپور فائدہ ہوگا۔ یہ بینکنگ کی صنعت میں منفرد اور جدت سے مزین اضافہ ہے۔ کنزیومر فنانس کے سربراہ سید افتخار الحق نے کہا ’یہ پروڈکٹ ویسے تو ہر طبقہ سے تعلق رکھنے والے صارفین کو دیا جائے گا لیکن 30 یا اس عمر سے اوپر والے صارفین کے لئے موزوں ترین پروڈکٹ ہے۔

ان سکیور بزنس کے سربراہ فہد اللہ خان نے کہا ہم اپنی مصنوعات کے متنوع اور مزید مؤثر بنانے کیلئے کوشاں رہتے ہیں اور اب اپنے اس نئے آٹو کیش کے ذریعے ہم سمجھتے ہیں کہ اپنے صارفین کے لئے ہم قدر میں اضافہ کرنے میں کامیاب ہوں گے۔

Your Thoughts and Comments