جنوبی کوریا میں بیروزگار افراد کی شرح میں اپریل کے دوران اضافہ، 4.4 فیصد تک پہنچ گئی

جنوبی کوریا میں بیروزگار افراد کی شرح میں اپریل کے دوران اضافہ، 4.4 فیصد ..
سیئول (اُردو پوائنٹ اخبارتازہ ترین - اے پی پی۔ 15 مئی2019ء) جنوبی کوریا میں بیروزگار افراد کی شرح اپریل کے دوران بڑھ کر 4.4 فیصد تک پہنچ گئی جو اپریل 2000ء کے بعد اب تک کی بلند ترین سطح اور اس کی وجہ اقتصادی سست رفتاری اور روزگار کے لیے اپلائی کرنے والوں کی تعداد میں تیزی سے اضافہ ہے۔

(جاری ہے)

محکمہ برائے اعداد و شمار کی حالیہ رپورٹ کے مطابق اپریل کے دوران ملک میں بیروزگار افراد کی شرح بڑھ کر 4.4 فیصد رہی جس کی وجہ اقتصادی سست رفتاری اور روزگار کے لیے اپلائی کرنے والوں کی تعداد میں اضافہ ہے۔

انھوں نے بتایا کہ اپریل کے دوران 3 لاکھ 80 ہزار افراد نے روزگار کے لیے اپلائی کیا جبکہ مارچ کے دوران 2 لاکھ افراد نے روزگار کے لیے اپلائی کیا تھا۔ماہ کے دوران ملک بھر میں روزگار کے حامل افراد کی تعداد بڑھ کر 27.03 ملین تک پہنچ گئی ہے جو کہ اپریل 2018 ء کے مقابلے میں 1 لاکھ 71 ہزار زیادہ ہیں۔

Your Thoughts and Comments