انڈس موٹر کمپنی و ڈاکٹر رتھ ہسپتال کے مابین مفاہمت کی یادداشت پر دستخط

انڈس موٹر کمپنی و ڈاکٹر رتھ ہسپتال کے مابین مفاہمت کی یادداشت پر دستخط
اسلام آباد(اُردو پوائنٹ اخبارتازہ ترین - آن لائن۔ 13 فروری2020ء) انڈس موٹر کمپنی اور ڈاکٹر رتھ کے ایم پائو سول ہسپتال کراچی نے مفاہمت کی یادداشت (ایم او یو) پر دستخط کئے ہیں، انڈس موٹر کمپنی اپنی کاروباری و سماجی ذمہ داریوں کی ادائیگی کے تحت ہسپتالوں میں مریضوں کے اٹنڈنٹس کیلئے شیلٹرز تمعیر کرے گی۔ جمعرات کو کمپنی کی جانب سے جاری بیان کے مطابق آئی ایم سی کے منظور شدہ معیار کے مطابق ہسپتال میں بہترین سہولیات کے حامل شیلٹرز تعمیر کئے جائیں گے جہاں پر مریضون کیساتھ آنے والوں کو رہائش اور خوراک کی معیاری سہولیات فراہم کی جائیں گی۔

(جاری ہے)

انڈس موٹر کمپنی کے چیف ایگزیکٹو آفیسر علی اصغر جمالی نے کہا ہے کہ کمپنی اپنی سماجی ذمہ داریوں کی ادائیگی کیلئے اقدامات کر رہی ہے اور کارباروباری اور سماجی ذمہ داریوں (سی ایس آر) کے تحت تعلیم اور صحت سمیت دیگر شعبوں میں کام کر رہی ہے تاکہ معاشری ترقی میں اپنا کردار اد اکیا جاسکے۔ انہوں نے کہا کہ ایم اویو کے تحت ہم ہسپتال میں پناہ گاہیں تعمیر کرہرے ہیں تاکہ پاکستان کے عوام کی سہولیات میں اضافہ کیا جا سکے۔ انہوں نے سی ایس آر کے تحت انڈس موٹر کمپنی عوامی سہولتوں میں اضافہ کیلئے لئے تمام تر ممکنہ اقدامات کو یقینی بنانے کیلئے پر عزم ہے۔

Your Thoughts and Comments