’’جدید جنگی حملے اور ہتھیار‘‘‎

امریکہ کی ٹرمپ انتظامیہ کو جنوری 2020 میں امریکی نیشنل سینٹر برائے میڈیکل انٹیلی جنس نے کوویڈ 19 یعنی کرونا وائرس کے خطرے سے آگاہ کر دیا تھا لیکن ُان دنوں امریکی صدر ،افغانستان امن معاہدے کے نام پر کسی نئی سازششوں میں مصروفِ عمل تھے اس لیئے انہیں بروقت فیصلہ نہیں کرنے اور کرونا وائرس کی روک تھام کے حوالے سے فوری اقدامت نہ اٹھانے پر شدید تنقید کا نشانہ بنایا جا رہا ہے ۔

چین کے انٹیلی جنس ادارے ،منسٹری آف اسٹیٹ سیکورٹی(ایم ایس ایس) نے بھی سال کے آغاز میں ہی اپنی حکومت کو کرونا وائرس کے ملک پر حملے سے آگاہ کر دیا تھا لیکن چینی قیادت نے دو ماہ کے اندر اندر نہ صرف کرونا وائرس حملے کو ناکام کیا بلکہ حملہ آوروں کا پورا کٹھا چھٹکا کھول کر دنیا کے سامنے بھی رکھ دیا اور اس کروناء وائرس کی وباء کا مرکز ہونے کے باوجود، واپس پہلے جیسے پرامن حال میں چلا گیا ۔

(جاری ہے)

جبکہ حملہ آوروں کے ملک برطانیہ اور امریکہ اس وقت اپنے ہی کیئے گئے حملے سے سب سے زیادہ خود متاثر ہیں ۔
حکومتیں اپنے اپنے خفیہ اداروں کی معلومات پر عمل پیرا ہوں یا نہ ہوں ، لیکن مذکورہ ادارے اپنے فراءض ادا کرتے رہتے ہیں ۔ عرض کرنے کا مقصد یہ بھی ہے کہ خفیہ اداروں کا کام صرف حکومتیں بنانا اور گرانا نہیں بلکہ اپنے ملک کو ممکنہ طور پر پیش آنے والے سخت حالات اور کرونا وائرس جیسے عالمی خطرات سے آگاہ کرنا بھی ان کے فراءضِ منصبی میں شامل ہوتا ہے ۔

پہلی بات ہے ملکِ خداداد کے خفیہ اداروں کو اپنے کٹھ پتلی وزیرِا عظم کو بچانے اور نواز شریف اور آصف زرداری کے خلاف مذید مقدمات بنانے سے ہی فرصت نہیں اس لیئے وہ اپنی اِس حکومت کو کرونا وائرس کے حملے کے کسی خطرے سے کیا آگاہ کرتے ۔ ان کے نزدیک اصل اور بڑا خطرہ تو اپوزیشن ہے ،کرونا وائرس نہیں ۔ اور اگر بلفرض انہیں فرصت مل بھی جاتی تو پھر بھی غیر متعلقہ یا کسی نئے سیاسی پراجیکٹ پر کام شروع کر دیا جانا تھا ۔

ملکِ خداداد میں اس بات کی قسم کھائی گئی ہے کہ اپنے محکمے یا اداروں سے متعلقہ کام نہیں کرنا بلکہ ہر وہ کام کرنا ہے جس سے آئین اور قانون نے سختی منع کر رکھا ہے ۔ جو افسوسناک ہے ۔
یہ حقیقت اب تسلیم کیئے بغیر کوئی چارہ نہیں کہ دنیا میں روایتی جنگوں اور ہتھیاروں کی جگہ مختلف وائرس اور لیزر ٹیکنالوجی نے لے لی ہے ۔ چین نے عوام کی نقل و حرکت پر نظر رکھنے کے لئے ڈیجیٹل آئی ڈی کا استعمال کرتے ہوئے ، وائرس کا مقابلہ کرنے کے لئے اپنے شہریوں کی دخل اندازی کرنے والی بڑے پیمانے پر نگرانی متعین کی ۔

اسرائیل نے، فون ٹریکنگ اسپائی ویئر ٹکنالوجی کا استعمال کرتے ہوئے’’ ڈیجیٹل سرویلنس پروگرام‘‘ متعارف کرایا ہے، جو اصل میں دہشت گردی کے انسداد کے لیئے ڈیزائن تیار کیا گیا تھا، تاکہ انفیکشن کا نقشہ بنایا جا سکے اور ان لوگوں کو مطلع کیا جاسکے جو انفیکشن کا شکار ہوسکتے ہیں ۔ دیگر کئی ممالک بھی اب وبائی حملوں سے بچاو کے لیئے جدید تکنیک بنانے اور استعمال کرنے پر توجہ دے رہے ہیں ۔

پاکستانی انٹیلی جنس ایجنسیاں بھی وبائی حملوں کی روک تھام کے لیئے چین سے مدد اور ان سے ٹیکنالوجی مستعار لے کر ملک کے پالیسی سازوں اور قانون نافذ کرنے والے اداروں کی مدد کرسکتی ہیں ۔
چونکہ کوویڈ ۔ 19 کے خلاف جنگ طویل ہونے اور اب مستقبل میں بھی کسی ایسے جراثیمی حملے کا قوی امکان ہے اس لیئے ’’ وبائی امراض کاؤنٹر انٹیلی جنس یونٹ‘‘ کا قیام وقت کی ضرورت ہے، جس کی مدد سے آئندہ کسی بھی ایسے ممکنہ مذکورہ حملے کی پیشگی اطلاع کی بنیاد پر فوری اقدامت اٹھا کر عوام کی زندگیاں بچائی جا سکیں ۔

یہ سب تب ہی ممکن ہے جب انٹیلی جنس ادارے سیاست بازی سے آذاد ہوں اور خالصتاً اپنے پیشہ ورانہ امور پر توجہ دیں ۔ جیسا کہ پہلے عرض کیا ہے کہ وقت کے ساتھ ساتھ ایٹمی یا روایتی جنگی ہتھیار اور حملوں کی نوعیت بھی تبدیل ہو چکی ہے، اس لیئے ہمارے دفاعی اور انٹیلی جنس اداروں بھی اب جدید جنگی دور کے اس زمانے میں اپنا آپ اور اپنی سوچ کو بدلنا ہو گا،یہی وقت کا تقاضا ہے ۔ وگرنہ وقت مسخ کر رکھ دے گا اور مستقبل کی جنگوں میں ایک وائرس کا مقابلہ کرنے کی بھی صلاحیت نہیں ہو گی ۔
جدید جنگی حملے ہوں گے لیکن  ان سے لڑنے کے لیئے ہمارے پاس ہتھیار موجود نہیں ہو گا ۔