آزاد کشمیر اور شبنم صداقت

آزاد کشمیر میں 8اکتوبر 2005ء کے زلزلے کی وجہ سے عام لوگوں کا معیار زندگی مفلوج ہو کر رہ گیا تھا۔اِس زلزلے کی وجہ سے 86ہزار کے قریب لوگ موت کے منہ میں چلے گئے جبکہ 75ہزار کے قریب لوگ زخمی ہوئے۔2.8ملین لوگ بے گھر ہوئے ۔لیکن کچھ لوگ ایسے ہیں جو اِس سانحے کے بعد سے خدمت خلق میں مصروف ہیں ۔
شبنم صداقت اعوان آزاد کشمیر میں ضرورت مندوں اور مصیبت زدہ لوگو ں کی مدد کرنے میں پیش پیش ہیں۔

آزاد کشمیر کے تمام علاقوں میں مصیبت زدہ لوگ چاہے وہ بستیوں میں ہوں یا مہاجر کیمپوں میں ، کی مدد کرنا اُ ن کا پیشہ بن چکا ہے۔خصوصاََ پچھلے کئی مہینوں سے شبنم صداقت کے خدمتِ خلق کے مشن میں تیزی آئی ہے۔انھوں نے21اپریل کو تحصیل ایبٹ آباد کے ایک گاؤں بوٹی کے فائرنگ زدہ علاقے میں کئی گھرانوں کو فوڈ پیکج فراہم کیا۔

(جاری ہے)

8مئی کو لوئر چھترمیں منعقدہ تقریب میں شبنم صداقت نے بتایا کہ ہماری طرف سے اشیائے ضروریہ کی تقسیم کا سلسلہ جاری ہے اور اب تک 350مستحق گھرانوں ،بیواؤں اور یتیموں میں راشن تقسیم کیا جا چکا ہے۔

11مئی کو شبنم صداقت اور اُن کی تنظیم کی طرف سے 30مستحق گھرانوں میں رمضان فوڈ پیکج تقسیم کیا گیا۔اِس فوڈ پیکج کے ذریعے ہر ضرورت مند کو 3500روپے فراہم کیے گئے۔اِس کے علاوہ 16گھرانوں میں 3000روپے فی گھرانہ دیئے گئے۔اِسی رات کو46گھرانوں میں فوڈ پیکج مستحقین تک پہنچائے گئے۔12مئی کو شبنم صداقت اعوان اور اُن کی تنظیم کی طرف سے دان گلی کوھالہ اور دومیشی کے مستحقین میں رمضان پیکج کی فراہمی کے دوران 30گھرانوں کو راشن اور اشیائے ضروریہ فراہم کی گئیں۔

لوگوں کی عزتِ نفس کا خیال رکھتے ہوئے راشن رات کی تاریکی میں تقسیم کیا گیا۔
17مئی کو مناخ پیان مہاجر کیمپ میں رمضان پیکجز تقسیم کیے گئے۔اِسی طرح کشمیری بستی میں 27گھرانوں کو امداد فراہم کی گئی۔20مئی کوتوحید کالونی، امبور مہاجر کیمپ میں بیواؤں،یتیموں اور معذوروں میں راشن تقسیم کیاگیا۔اِسی طرح 23مئی کو بھی امبور مہاجرین کیمپ میں یتیموں ،بیواؤں اور عورتوں میں راشن تقسیم کیا گیا ۔

اِس کے علاوہ اس میں، عید کے موقع پرکرونا وائرس سے متاثر 46گھرانوں کو عید پیکیج،کشمیر مہاجرین کے73گھرانوں کو عید پیکیجز ،3جون کو نثار کیمپ میں عید پیکیجز کی فراہمی اور 8جون کو جہلم ویلی میں راشن پیکیجز کا اعلان شامل ہیں ۔
 شبنم صداقت اعوان نے 13جولائی کو شہدائے کشمیر کے ساتھ اظہارِ یکجہتی کے لیے ایک شاندار تقریب کے انعقاد کا اعلان کر رکھا ہے ۔

اِس تقریب کا مقصد مسئلہ کشمیر کو اجاگر کرنا ،نثار کیمپ میں مقبوضہ کشمیر کی خواتین کے لیے امدادی پیکیجز کا اعلان ،اقوامِ متحدہ کی قراردادوں کے متعلق لوگوں کا آگاہی دینا ، مسئلہ کشمیر کے متعلق عالمی برادری کے ضمیر کو جھنجھوڑنااور نوجوان نسل کو مسئلہ کشمیر کے متعلق آگاہی دینا ہے۔
بلا شبہ شبنم صداقت اعوان اور اُن کی تنظیم کاجذبہ خدمت خلق کی بدولت ضرورت مندوں اور مہاجرین کو امداد کی فراہمی ، مسئلہ کشمیر کو اجاگر کرنا، قابلِ تحسین اور قابلِ تعریف اقدامات ہیں۔اہلیانِ آزاد کشمیر اِن کی اِس عظیم کاوش کو قدر کی نگاہ سے دیکھتے ہیں اور امید رکھتے ہیں کہ شبنم صداقت اعوان جذبہ خدمت خلق کے اِس عظیم مشن کو جاری رکھیں گی۔