برطانیہ کی فلائیٹ واپس لوٹا دی

لندن سے پاکستان کی پرواز بھرنے والے چارٹرڈ طیارے کو اس وقت واپس برطانیہ کی طرف موڑ دیا گیا جب وہ کچھ ہی منٹ کی پرواز بھر کر ہوا میں تھا پاکستانی حکام کی طرف سے یوکے کو کہا گیا کہ بعض وجوہات کی بنا پر وہ اس طیارے کو اسلام آباد لینڈنگ کی اجازت نہیں دے سکتے آپ کو یہ جان کر اور بھی حیرت ہوگی کہ طیارے میں عام مسافر نہیں بلکہ وہ لوگ سوار تھے جنکو برطانوی حکومت نے ڈی پورٹ کردیا تھا مطلب وہ افراد جو یا تو ویزا ختم ہونے کے بعد غیر قانونی طور پر یا پھر کسی جرم میں ملوث ہونے کی بنیاد پر ویزا منسوخ ہونے کے باعث بے دخل کئے جا رہے تھے اور ان افراد کے لئے برطانوی حکومت نارمل فلائیٹ نہیں بلکہ نجی کمپنی کا طیارہ چارٹرڈ مطلب کرائے پر حاصل کرتا ہے اور اس میں صرف انہیں افراد کو بھیجا جاتا ہے اپ کو یہ جان کر اور بھی حیرت ہوگی کہ گذشتہ دو سال کے دوران یہ تیسری فلائیٹ تھی جسکو پاکستان حکومت نے لینڈنگ کی اجازت نہیں دی ۔

(جاری ہے)

آپ کے لئے اس کو زرا اسان الفاظ میں کہوں تو پاکستان حکومت نے ڈھکے چھپے الفاظ میں یہ کہا تھا کہ ہم ان بیچارے افراد کے ساتھ کسی قسم کی زیادتی نہیں کرنا چاہتے جو کسی نا کسی طرح بیرون ممالک رہ کر اپنا اور گھر والوں کا پیٹ پال رہے ہیں لہذا جب ہم انکو واپسی کی اجازت نہیں دیتے تو برطانیہ ہو یا امریکہ انکو ایسے افراد کو شہریت دینی ہی پڑتی ہے لہذا یہ ایک سوچی سمجھی سکیم کے تحت کیا جا رہا ہے لیکن اس بار معاملہ کچھ اور ہی طرف نکل گیا ۔

ہوا یوں کہ جیسے ہی پاکستان نے فلائیٹ کو لینڈنگ کی اجازت سے انکار کیا تو انگلش میڈیا نے خبر چلا دی کہ چونکہ برطانیہ نے پاکستان کو ریڈ لسٹ پر رکھا ہے تو پاکستان نے یہ شرط عائد کی ہے کہ پہلے پاکستان کو ریڈ لسٹ سے نکالا جائے تو ہم فلائیٹ کو اجازت دیں گے بس یہ خبر شائع ہوتے ہی ہلچل سے مچ گئی اور پاکستان حکومت سمیت برطانیہ میں پاکستان کے ہائی کمشنر معظم احمد خان کو بھی تردید جاری کرنا پڑ گئی کہ ایسی کوئی بات نہیں کہ فلائیٹ کو ریڈ لسٹ کی بنیاد پر اجازت نہ ملنا مکمل غلط انفارمیشن ہے ۔

بحرحال انگلش میڈیا یہ ماننے کو تیار نہ تھا کیونکہ انکو لینڈگ کی اجازت نہ دینے کی کوئی وجہ بھی نہیں بتائی گئی تھی ۔
اب ایک طرف یہ بحث چھڑ گئی کہ آخر پاکستان چاہتا کیا ہے یہ تیسری فلائیٹ ہے جسکو اجازت نہ دی گئی برطانوی وزارت داخلہ خاصی غصے میں نظر آئی انہوں نے ان تین فلائیٹوں پر آنیوالے خرچ  اور وزارت کے نقصان کی تفصیل جاری کردی جسکے مطابق ان تین فلائیٹوں کے لئے برطانوی حکومت نے پانچ لاکھ اور چھیاسٹھ ہزار پاونڈ طیارے کی کمپنی کو دیئے جبکہ ان میں سوار افراد کو واپس برطانیہ میں رکھنے پر سو پاونڈ ہر روز فی کس خرچ ہو رہا ہے کیونکہ ان افراد کی رہائش کھانا پینا اور شاپنگ تک ہوم آفس کے ذمہ ہوتی ہے ان افرد کو کام کرنے یا فری گھومنے پھرنے کی اجازت نہیں ہوتی لہذا انکا تمام خرچ برطانوی حکومت کو اٹھانا پڑتا ہے ۔

برطانوی وزیر داخلہ پریتی پٹیل نے کچھ ماہ پہلے پارلیمنٹ میں اپنی ایک تقریر کے دوران تقریبا دھمکی آمیز لحجے میں بات کرتے ہوئے کہا تھا کہ جو ملک اپنے ایسے افراد جنکو برطانیہ سے بے دخل کیا جاتا ہے واپس نہیں لیں گے تو ہم انکے ساتھ تعلقات منقطع کردیں گے اور پھر ان ممالک کو ویزٹ ویزے بھی جاری نہیں ہونگے اور یہ کوئی معمولی دھمکی نہیں تھی اگر دیکھا جائے تو تقریبا اس دھمکی سے کسی بھی ملک کے ساتھ سنگین نتائج بھی نکل سکتے ہیں ۔

ان تمام دھمکیوں اور بیانات کے باوجود پاکستان نے یہ قدم تو اٹھا لیا لیکن اس بات برطانیہ خاموش نہیں بیٹھے گا جیسے کہ ابھی تو انگلش میڈیا کو ٹاسک دیا گیا ہے کہ اس معاملے کو اچھالا جائے اور جو ایشو ایک بار میڈیا کی زینت بن جائے اس پر پارلیمنٹ میں ضرور بحث ہوتی ہے جہاں دل کھول کر متعلقہ وزارت اپنی بھڑاس نکال لیتی ہے ابھی پاکستان سے ریڈ لسٹ کی تلوار ہٹی نہیں اور یہ ایشو کھڑا کرلیا ہے دیکھتے ہیں اب یہ معاملہ کس کروٹ بیٹھے گا ۔۔