غلام احمد گلزار کا کشمیر اور فلسطین میں جاری قتل و غارت میںاضافے پراظہار تشویش
اقوام متحدہ اور انسانی حقوق کے عالمی ادارے کشمیری نظربندوں کی رہائی میں مدددیں
بدھ 12 مئی 2021 19:45
(جاری ہے)
غلام احمد گلزار نے بھارت اور مقبوضہ جموںوکشمیر کی جیلوں میں نظربند درجنوں حریت رہنماؤں اور کارکنوں کی بگڑتی ہوئی صحت پر تشویش کا اظہار کیا۔ انہوں نے اقوام متحدہ اور انسانی حقوق کی تنظیموں پر زور دیا کہ وہ غیرقانونی طور پر نظربند کشمیری رہنماؤں کی جانیں بچانے کی خاطر ان کی رہائی کے لئے بھارت پر دباؤ ڈالیں۔
دریں اثناء قابض حکام کی طرف سے جاری کئے گئے ایک بیان میں کہاگیاہے کہ مقبوضہ علاقے میں اس وقت کم از کم 23 قیدی کورونا وائرس کا شکار جبکہ 219 جیلوں میں قرنطینہ میں ہیں۔ کل جماعتی حریت کانفرنس کے صوبہ جموں کے صدر میر شاہد سلیم نے جموں میں جاری ایک بیان میں عالمی برادری پر زوردیا ہے کہ وہ بھارت کے فسطائی رویے کا نوٹس لے جس سے کشمیریوں کے جان ومال اورعزت و آبرو کو شدید خطرہ لاحق ہے۔ادھر بھارتی فوجیوں کے ہاتھوں ضلع اسلام آباد میں تین نوجوانوں کے قتل کے خلاف سرینگر کے علاقے بٹہ مالو میں لوگوںنے احتجاجی ریلی نکالی ۔ شہید ہونے والے ایک نوجوان کا تعلق بٹہ مالو سے تھا ۔ مظاہرین نے آزادی کے حق میں فلک شگاف نعرے لگائے۔ انہوں نے شہید نوجوانوںکی غائبانہ نمازجنازہ بھی ادا کی۔جموںوکشمیر پیپلز لیگ اور جموںوکشمیر پولیٹیکل ریزسٹنس موومنٹ کے وفود شہید نوجوانوں کو خراج عقیدت پیش کرنے کیلئے اسلام آباد کے علاقے کوکرناگ اور بٹہ مالو میں ان کے گھرگئے ۔ تحریک وحدت اسلامی نے سرینگر میں جاری ایک بیان میں وزیر اعظم پاکستان عمران خان کے حالیہ بیان کا خیر مقدم کیا ہے جس میں انہوںنے کہا ہے کہ جب تک بھارت 5 اگست 2019 کو کئے گئے غیر قانونی اقدامات واپس نہیں لیتا اس کے ساتھ کسی قسم کے کوئی مذاکرات نہیں ہو سکتے ۔کل جماعتی حریت کانفرنس کے جنرل سیکریٹری مولوی بشیر احمد اور حریت رہنمائوں غلام محمد خان سوپوری اور عبدالصمد انقلابی نے اپنے بیانات میں امت مسلمہ کو باالعموم اور کشمیری عوام کو بالخصوص عید کی مبارکباد دی ہے۔انہوںنے کشمیری عوام سے اپیل کی کہ وہ عید سادگی سے منائیں اور اس پر مسرت موقع پر شہدا ء کے لواحقین اور غیر قانونی طورپر نظربند کشمیریوں کے اہلخانہ اور نادار اور ضرورت مند افراد کے ساتھ اپنی خوشیاں بانٹیں۔کمیونسٹ پارٹی آف انڈیا مارکسسٹ کے رہنما محمد یوسف تاریگامی اور جموںوکشمیر پیپلز ایسوسی ایشن کے چیئرمین عاقب وانی نے اپنے بیانات میں بھارت اور کشمیر کی مختلف جیلوں میں غیر قانونی طورپر نظربند کشمیر ی سیاسی قیدیوں کی فوری رہائی کا مطالبہ کیا ہے ۔اسلام آباد میں کشمیر انسٹیٹیوٹ آف انٹرنیشنل ریلیشنز کے چیئرمین الطاف حسین وانی نے اقوام متحدہ کی ہائی کمشنربرائے انسانی حقوق مشیل بیچلٹ کے نام ایک خط میں بھارت کی مختلف جیلوں میں نظربند کشمیریوں کی فوری رہائی کیلئے ان کی مداخلت پر زوردیا ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.