Live Updates

اسٹیبلشمنٹ سے اس وقت میرا کوئی رابطہ نہیں، جنرل (ر) باجوہ سے رابطہ رہتا تھا

جنرل (ر) باجوہ نے شہباز شریف کو جیل میں فون کرکے مزاج پرسی کی تھی تو میں نے ان سے پوچھا تھا کہ یہ آپ کیا کر رہے ہیں؟ اگر شہباز شریف کی مزاج پرسی کرنی ہے تو جیلوں میں قید باقی لوگوں کا کیا قصور ہے۔چئیرمین پی ٹی آئی عمران خان کی صحافیوں سے گفتگو

مقدس فاروق اعوان ہفتہ 24 دسمبر 2022 13:03

اسٹیبلشمنٹ سے اس وقت میرا کوئی رابطہ نہیں، جنرل (ر) باجوہ سے رابطہ رہتا ..

لاہور(اردوپوائنٹ اخبار تازہ ترین ۔ 24 دسمبر 2022ء ) پاکستان تحریک انصاف کے سربراہ عمران خان کا کہنا ہے کہ معیشت کی یہی صورتحال رہی تو فروری مارچ تک ملک ڈیفالٹ کر جائے گا۔انہوں نے گذشتہ روز زمان پارک میں میڈیا سے گفتگو کرتے ہوئے کہا کہ کہا کہ اسٹیبلشمنٹ ایک حقیقت ہے، قانون کی حکمرانی میں وہی کردار ادا کر سکتی ہے۔اسٹیبلشمنٹ سے اس وقت میرا کوئی رابطہ نہیں، جنرل (ر) باجوہ سے رابطہ رہتا تھا۔

انہوں نے سب کو ٹرک کی بتی کے پیچھے لگا کر رکھا تھا۔اسٹیبلشمنٹ میں اوپر بیٹھا شخص ہی سب کچھ ہوتا ہے۔ معیشت کی یہی صورتحال رہی تو فروری مارچ تک ملک ڈیفالٹ کر جائے گا۔مجھے بند گلی میں دھیکلنے کا مطلب کو بند گلی میں دھکیلنا ہے۔عمران خان نے کہا کہ حکومت انتخابات 2023 سے آگے لے کر جانا چاہتی ہے۔

(جاری ہے)

انہوں نے کہا کہ جنرل (ر) باجوہ نے شہباز شریف کو جیل میں فون کرکے مزاج پرسی کی تھی تو میں نے ان سے پوچھا تھا کہ یہ آپ کیا کر رہے ہیں؟اگر شہباز شریف کی مزاج پراسی کرنی ہے تو جیلوں میں قید باقی لوگوں کا کیا قصور ہے۔

عمران خان نے مزید کہا کہ ملک بھر میں امن و امان کی صورتحال تیزی سے بگڑ رہی ہے جو امپورٹڈ حکومت اور انٹیلی جنس ایجنسیوں کی مکمل ناکامی کی عکاس ہے۔قبل ازیں چیئرمین پاکستان تحریک انصاف عمران خان نے اسلام آباد میں دہشتگری کے واقعے کی مذمت کی ہے۔ ایک بیان میں انہوں نے کہا کہ اسلام آباد میں ہونے والے حملے کی شدید مذمت کرتا ہوں،کسی بڑے سانحے سے بچانے کیلئے جان کی قربانی دینے والے بہادر پولیس اہلکار کو سلام پیش کرتا ہوں۔

عمران خان نے کہا کہ ملک بھر میں امن و امان کی صورتحال دن بدن خراب ہو رہی ہے۔گذشتہ روز اسلام آباد کیپیٹل پولیس کے نڈر جوان عدیل حسین شہید نے اسلام آباد کو بڑی تباہی سے بچا لیا ،آئی ٹین فور سروس روڈ پر دوران چیکنگ خود کش دھماکے میں عدیل حسین شہید ،چار پولیس جوان زخمی ہوگئے تھے۔اسلام آباد میں سکیورٹی کو ہائی الرٹ رکھا گیا تھا اور شہر کے داخلی و خارجی راستوں اور اندرون شہر سخت چیکنگ جاری تھی کہ جمعہ کو ایگل سکواڈ اور فالکن نے آئی ٹین فور سروس روڈ پر ایک مشکوک ٹیکسی کو روک کر چیکنگ کی کہ دوران چیکنگ گاڑی میں موجود خود کش بمبار نے خود کو دھماکے سے اڑا لیا تھا۔