وزیراعظم 65 روپے یونٹ بجلی کو 6 روپے سستی کرکے حاتم طائی کی قبر پر لات مار رہے ہیں، چوہدری منظور

لاہور (اُردو پوائنٹ اخبارتازہ ترین - آن لائن۔ 03 اپریل2025ء) پاکستان پیپلز پارٹی کے سینئر رہنما چوہدری منظور نے کہا ہے کہ سنا ہے وزیراعظم آج حاتم طائی کی قبر پر لات مار رہے ہیں، وزیراعظم 65 روپے یونٹ بجلی پیدا کر کے 6 روپے سستی کر رہے ہیں۔ لاہور میں پریس کانفرنس سے خطاب کرتے ہوئے انہوں نے کہا کہ نہریں قومی منصوبہ نہیں یہاں تماشا لگایا جا رہا ہے۔

ان کا کہنا تھا کہ 65 روپے یونٹ بجلی پیدا کر کے 6 روپے کمی کی جا رہی ہے، کسان تباہ ہو گا تو ملک تباہی ہو گا، یہ سمجھنے کی ضرورت ہے۔ انہوں نے کہا کہ سنا ہے وزیراعظم آج حاتم طائی کی قبر پر لات مار رہے ہیں، ملکی معیشٹ جو کھڑا کرنا ہے تو ایگرو بیسڈ اکانومی لانا پڑیگی، کپاس ہماری ضرورت سے کم پیدا ہو رہی ہے، زراعت پر ٹیکس پر ٹیکس لگایا جا رہا ہے۔

(جاری ہے)

چوہدری منظور نے کہا کہ پیپلز پارٹی نے اپنے دور میں کسانوں کو بہترین سپورٹ پرائس دی، وہ ایک میٹنگ تھی جس کے منٹس کو غلط طریقے سے پھیلایا جا رہا ہے، صدر مملکت صرف پارلیمنٹ کے بل اور آرڈیننس کی منظوری دیتا ہے، پاکستان میں چار پانچ برس کے بعد زیادہ پانی آتا ہے۔ ان کا کہنا تھا کہ حکومت نے مالیہ میں دس گنا اضافہ کر دیا ہے۔ سسٹم میں پانی موجود نہیں، جس صوبے کا مسئلہ ہے اسکے لوگ بات کریں، آپ نے نان ایشو کھڑا کیا۔

پہلے دو صوبوں کے حالات خراب ہیں اب تیسرے میں کرنا چاہتے ہیں، یہ منصوبہ بالکل قابل عمل ایبل نہیں۔ کون ڈی نہر بند کر رھے ہیں۔ انہوں نے کہا کہ پیپلز پارٹی یہ نہیں ہونے دیگی، ہم ہر جگہ کاشتکاروں کیساتھ کھڑے ہونگے۔ وزیراعظم سے سوال ہے کہ سندھ اور دیگر صوبوں کے مطالبے کے باوجود مشترکہ مفادات کونسل کا اجلاس کیوں نہیں بلا رہی آپ چولستان میں کتنے تالاب بنائیں گے، وہاں کائی جم جائیگی۔

آپ کارپوریٹ فارمنگ کے نام پر پنجاب کے چھوٹے کاشتکاروں کا قتل کر رہے ہیں، ماہرین بھی حیران ہیں کہ یہ کیا ہو رھا ہی جو بھی نہر نکالتے ہیں اس کا چودہ فیصد ضائع ہو جاتا ہے جبکہ چولستان نہر کا چالیس فیصد ضائع ہونے کا خدشہ ہے۔ چوہدری منظور نے کہا کہ یہ پنجاب اور چولستان کا مسئلہ ہے، یہ انسانی تاریخ کا پہلا واقعہ ہے جس میں ریورس انجینئرنگ کر رہے ہیں۔

انہوں نے کہا کہ اس پانی کی کمی کو تمام صوبوں میں تقسیم ہونا ہے، سی ایم پنجاب بتائیں کہ کون سی نہر بند کر کے چولستان کینال کو پانی دینگے۔ چوہدری منظور کا کہنا تھا کہ پاکستان کے نہری نظام میں 20فیصد پانی پہلے سے کم ہے، اس وقت 95 ایکڑ فٹ پانی ہے 20 ملین سسٹم سے غائب ہو چکا ہے۔ انہوں نے کہا کہ سیلاب جولائی سے ستمبر تک آتے ہیں، چولستان کینال کو کب سے پانی دینگے، باقی 9ماہ اس کو کہاں سے پانی دینگے، پہلے کہتے ہیں کہ یہ صرف سیلاب کے دنوں میں چلے گی، آپ چولستان کینال بنا رہے ہیں جس سے بنجر رقبہ آباد کیا جائیگا، ایشوٹو ایشو حکومت کو سپورٹ کر رہے ہیں۔