ملک کی ترقی ریلوے کی ترقی سے وابستہ ہے،پاکستان کو جلد ریلوے کے حوالے سے خوشخبری ملے گی، حنیف عباسی

اسلام آباد (اُردو پوائنٹ اخبارتازہ ترین - این این آئی۔ 24 جون2025ء)وفاقی وزیر ریلوے محمد حنیف عباسی نے کہا ہے کہ ملک کی ترقی ریلوے کی ترقی سے وابستہ ہے،پاکستان کو جلد ریلوے کے حوالے سے خوشخبری ملے گی، ریلوے کی اربوں روپے کی زمینیں واگزار کرائی گئیں، ریلوے سٹیشنز کو اپ گریڈ کیا جا رہا ہے،ریلوے کے شعبے میں بہتری لانے کے لیے کوشاں ہیں، ریلوے ٹریک کی بہتری کے لیے اقدامات کیے جا رہے ہیں، ٹرینوں کے اوقات سے متعلق کوئی رعایت نہیں دی جائے گی، وزیراعظم شہباز شریف ریلوے پر خصوصی توجہ دے رہے ہیں، ریلوے سٹیشنز پر معلوماتی ڈیسک قائم کیے گئے ہیں، ہم نے ٹرین ہوسٹس کی سہولت متعارف کرائی ہے، ریلوے سٹیشنز پر کھانے پینے کی اشیا کا معیار بہتر بنایا گیا ہے، پاکستان تھرکول، ریکوڈک اور علاقائی رابطہ چاہتا ہے، پائلٹ پروجیکٹ کے طور پر ریلوے ہوسٹس گرین لائن پر کام کر رہی ہے، پنجاب میں مریم نواز بہت کام کر رہی ہیں،آئندہ سال انشاء اللہ دس کروڑ روپے کی لاگت سے نیشنل پریس کلب میں جم بنانے کیلئے کوشش کرونگا۔

(جاری ہے)

،نیشنل پریس کلب اسلام آباد کے پروگرام میٹ دی پریس میں گفتگو کرتے ہوئے وفاقی وزیر ریلویز محمد حنیف عباسی نے کہاکہ وزیراعظم شہباز شریف ریلوے پر خصوصی توجہ دے رہے ہیں، پچھلے ہفتے وزیراعظم کو 45 منٹ کی ریلوے پر بریفنگ دی تو انہوں نے کہا کہ آپ پہلے وزیر ہیں جو پریزنٹیشن دے رہے ہیں، وزیراعظم نے میری کارکردگیوں پر تعریف کی، ریلوے میں تعمیر و ترقی کے ساتھ واش رومز کی صفائی ستھرائی پر زور دیا، آج بھی کوئی مجھے ریلوے کے حوالے سے ویڈیوز بھیج دیتا ہے تو اس پر فوری عمل درآمد کرواتا ہوں، پاکستان کی ترقی پاکستان ریلوے سے وابستہ ہے، پاکستان تھرکول، ریکوڈک اور علاقائی رابطہ چاہتا ہے، بھارت نے اپنی ریلوے کو اس سال 7 کھرب روپے دیے، پاکستان کو جلد ریلوے کے حوالے سے خوشخبری ملے گی،روس تک ٹرین چلانے کی ہماری تیاری مکمل تھی مگر ایران اسرائیل جنگ کی وجہ سے اس میں تاخیر ہو گئی ہے، پنجاب میں مریم نواز بہت کام کر رہی ہیں، پنجاب حکومت ریلوے کی بہتری اور ترقی کیلئے سب سے زیادہ خرچ کر رہی ہے،پنجاب حکومت کی سرمایہ کاری نے ریلوے کو چار چاند لگا دیئے ہیں،بلوچستان کے وزیر اعلیٰ سے بھی اس حوالے سے بات ہوئی ہے وہ بھی اس میں سرمایہ کاری کرنے کیلئے تیار ہیں جبکہ سندھ سے بھی اس بارے میں بات کرینگے،ٹرینوں کو آئوٹ سورس کرنے جا رہے ہیں، بولان میل، خوشحال خان خٹک ایکپریس سمیت دیگر بند ٹرینوں کو بحال کیا ہے جس سے عوام کو سہولت حاصل ہوئی ہے،ہمارا ہر اسکول اور کالج انٹرنیشنل لیول پر جائے گا، ہم نے ٹرین ہوسٹس کی سہولت متعارف کرائی ہے، غیر ضروری شعبے بند کر کے چھوٹے اسٹاف کو دیگر شعبوں میں ایڈجسٹ کیا گیا ہے جبکہ لاکھوں روپے تنخواہیں لینے والے افسران کو خدا حافظ کہہ دیا ہے اس برس ریلوے نے پاکستان کی 77 سالہ تاریخ میں سب سے زیادہ ریونیو کمایا ہے، حکومت مزید تعاون کرے تو اگلے برس ریلوے کو منافع بخش ادارہ بنا دینگے،حنیف عباسی نے یہ بھی کہا کہ نیشنل پریس کلب ہمارا دوسرا گھر ہے ، نیشنل پریس کلب راولپنڈی کیمپ آفس کے بعداین پی سی اسلام آباد کے جم کے لیے 10 کروڑ فنڈ کرنے کی کوشش کروں گا، وفاقی وزیر ریلوے کا مزید کہنا تھا کہ پاکستان نے بھارتی جارحیت کا بھرپور جواب دیا، بھارت کے خلاف تاریخی فتح پر قوم کو فخر ہے،بھارتی جارحیت پر پوری قوم نے بھرپور اتحاد کا مظاہرہ کیا اور فوج کا ساتھ دیا، قبل ازیں این پی سی کے صدر اظہر جتوئی اور سیکرٹری نیئر علی نے پریس کلب آمد پر وفاقی وزیر کا شکریہ ادا کیا۔