Live Updates

ذ*کفار نے اہل غزہ پر اہل کربلا والے حالات پیدا کر دیئے ہیں : جاوید قصوری

ًامریکی صدر ڈونلڈ ٹرمپ اور اسرائیلی وزیر اعظم نیتن یاہو فسطائیت میں ہٹلر کو بھی پیچھے چھوڑ چکے ہیں ٰ غذائی ناکہ بندی سے غزہ میں66بچے شہید ،اسرائیل نسل کشی کر رہا ہے، امیرجماعت اسلامی پنجاب وسطی

پیر 30 جون 2025 18:05

lلاہور (اُردو پوائنٹ اخبارتازہ ترین - آن لائن۔ 30 جون2025ء) امیر جماعت اسلامی پنجاب محمد جاوید قصوری نے کہا ہے کہ غزہ میں اسرائیل کی ناکہ بندی سے 66بچے شہید ہو چکے ہیں، ہر روز 112بچے ہسپتالوں میں لائے جا رہے ہیں عالمی ادارہ صحت اور دیگر نام نہا د ادارے خاموش تماشائی بنے ہوئے ہیں۔امریکی صدر اور اسرائیلی وزیر اعظم نیتن یاہو نے ثابت کر دیا ہے کہ وہ فسطائیت میں ہٹلر کو بھی پیچھے چھوڑ چکے ہیں ۔

ان کے خلاف عالمی عدالت انصاف میں مقدمہ چلایا جائے ۔انہوں نے ان خیالات کا اظہار اسرائیل کی جانب سے غزہ کی ناکہ بندی اور اس کے نتیجے میں معصوم بچوں کی شہادت پر اپنا ردعمل دیتے ہوئے کیا ۔ ان کا کہنا تھا کہ امریکہ ، اسرائیل اور ان کے دیگر اتحادیوں نے پوری دنیا کا امن تہس نہس کر کے رکھ دیا ہے ۔

(جاری ہے)

تمام کفار مسلمانوں کے خلاف متحد ہو چکے ہیں ۔

ضرورت اس امر کی ہے کہ مسلم حکمران خواب خرگوش سے بیدار ہوں ۔ اگر اب بھی دشمنوں کے خلاف یکجہتی کا مظاہر ہ نہ کیا گیا تو حالات مزید سنگین ہو جائیں گے ۔انہوں نے حکومت پاکستان سے مطالبہ کرتے ہوئے کہا کہ شہباز حکومت غزہ جنگ رکوانے کے لئے با ضابطہ طور پر امریکہ سے رابطہ کرے ۔ غزہ میں شہادتوں کی تعداد 60ہزار سے تجاو ز کر چکی ہے جبکہ میڈیا کی رپورٹس کے مطابق ہلاکتوں کی تعداد سرکاری اعداد و شمار سے دس گنا زیادہ ہو سکتی ہے ۔

اہل غزہ پر اہل کربلا والے حالات پیدا کر دیئے گئے ہیں ۔ مسلم ممالک کے حکمرانوں کو فیصلہ کرنا ہو گا کہ وہ کلمہ حق کہنے والوں کے ساتھ ہیں یا اپنے اپنے مفادات کے لئے یزید کے ساتھی۔محمدجاوید قصوری نے اس حوالے سے مزید کہا کہ مسلم دشمن قوتیں اپنی ساری شیطانی قوت کے ساتھ سامنے آچکی ہیں ۔ اگر مسلمانوں کے درمیان انتشار اور اختلافات قائم رہا تو حالات بد سے بدتر ہو جائیں گے ۔ایران پر حملہ کرکے امریکہ اور اسرائیل نے ثابت کر دیا ہے کہ وہ کیا چاہتے ہیں۔دشمنوں کا نشانہ ایران نہیں بلکہ پاکستان ہے ۔