ٹرمپ اس کی عزت کرتے ہیں جو طاقتور ہو جس طرح فیلڈمارشل کو عزت ملی کسی اور کو نہ ملی، حنیف عباسی

خواجہ آصف سینئر سیاستدان مگر اپنی ہی جماعت کو ہائبرڈ نظام کا طعنہ دیتے ہیں ، پی ٹی آئی مذاکرات کیلئے کلیئر دل و دماغ ،معافی نامے ساتھ لیکرآئیں، وزیر ریلوے

جمعہ 4 جولائی 2025 23:06

ٹرمپ اس کی عزت کرتے ہیں جو طاقتور ہو جس طرح فیلڈمارشل کو عزت ملی کسی ..

اسلام آباد (اُردو پوائنٹ اخبارتازہ ترین - این این آئی۔ 04 جولائی2025ء)وفاقی وزیر ریلوے حنیف عباسی نے کہاہے کہ خواجہ آصف مجھ سے عمر میں کافی بڑے ہیں ، ان کیساتھ تعلقات کبھی آئیڈیل نہیں رہے ہیں،وہ اتنے سینئر سیاستدان ہیں مگر اپنی ہی جماعت کو ہائبرڈ نظام کا طعنہ دیتے ہیں ، موجودہ نظام ہائبرڈ نہیں ہے ، میں نہیں مانتا ، یہ سارے فیصلے پارٹی کے ہیں ، پھر آپ کہتے ہیں میں پالیسی فالو کرتاہوں ۔

نجی ٹی وی سے گفتگو کرتے ہوئے حنیف عباسی نے کہا کہ تنخواہ میں اضافے کی منظوری کابینہ دیتی ہے، نہیں چاہتااتنی تنخواہ بڑھائی جائے کہ سوالیہ نشان ہو۔ انہوں نے کہا کہ خواجہ آصف کہتے ہیں میں باہربات نہیں کرتا،یہ باہرہی بات ہوگئی، ایاز صادق ہمارے سپیکر ہیں ،خیال رکھنا چاہیے۔

(جاری ہے)

انہوں نے کہا کہ ڈونلڈ ٹرمپ اس کی عزت کرتے ہیں جو طاقتور ہو جس طرح فیلڈمارشل کو عزت ملی کسی اور کو نہ ملی ، فیلڈ مارشل کہہ رہے ہیں وزیراعظم سیسہ پلائی دیوار کی طرح کھڑے ہیں، بھارت شکست خوردہ ہے اور اپنے زخم چاٹ رہا ہے۔

انہوں نے کہا کہ بانی سے جیل میں ملاقات کی ایسی کوئی سوچ نہیں ہے، وزیراعظم 3بار پی ٹی آئی والوں کو پیشکش دے چکے ہیں، پی ٹی آئی والے میں نہ مانوں والی پالیسی پرتھے۔حنیف عباسی نے کہا کہ بانی پی ٹی آئی کے قصیدے کے علاوہ ان کو کچھ یاد نہیں، شاہ محمود،یاسمین راشد و دیگر کا کوئی ذکر ہی نہیں ہے، مذاکرات کیلئے کلیئر دل و دماغ کے ساتھ آئیں، مذاکرات کیلئے اپنے معافی نامے ساتھ لیکرآئیں، معافی نامے بھی دوری پر نہیں ،جلدآجائیں گے، معافی ملے گی اس کے بعد مذاکرات ہوں گے۔