خیبرپختونخوا میں سینیٹ کے انتخابات،(ن)،پیپلز پارٹی، جمعیت علمائے اسلام کا انتخابی اتحاد بنانے کیلئے مشاورت

جمعہ 11 جولائی 2025 22:40

پشاور (اُردو پوائنٹ اخبارتازہ ترین - آن لائن۔ 11 جولائی2025ء)خیبر پختونخوا میں سینیٹ کے انتخابات میں پاکستان مسلم لیگ ن، پاکستان پیپلز پارٹی اور جمعیت علما اسلام (ف) آپسمیں انتخابی اتحاد بنانے پر غور کر رہی ہے۔میڈیا رپورٹس کے مطابق یہ تینوں جماعتیں آپس میں معاملات طے ہونے کے بعد عوامی نیشنل پارٹی اور کے پی اسمبلی کے آزاد اراکین کو بھی ساتھ ملانے کی کوشش کرے گی۔

(جاری ہے)

ممکنہ انتخابی اتحاد کے حوالے سے پاکستان پیپلز پارٹی کے وفد نے خورشید شاہ کی قیادت میں جمعیت علما اسلام کے سربراہ مولانا فضل الرحمان سے ملاقات کی۔ وفد میں گورنر کے پی فیصل کریم کنڈی بھی موجود تھے۔ملاقات کے دوران خیبر پختونخوا میں سینیٹ الیکشن پر بات چیت اور سیاسی صورتحال پر تبادلہ خیال کیا گیا۔اس ملاقات میں کے پی میں سینیٹ الیکشن مل کر لڑنے پر مشاورت کی گئی۔ کے پی میں ن لیگ، پیپلز پارٹی، جے یو آئی کی مل کر الیکشن لڑنے کی حکمت عملی طے ہونے کا امکان ہے۔ملاقات میں جے یو آئی کے رہنما اکرم خان درانی، مولانا لطف الرحمان، اسعد محمود اور اسجد محمود بھی موجود تھے۔